Registratie zal enige tijd duren. Deze functie is in ontwikkeling.

ENGELB_12_018

Een sage (mondeling), april 1975

Hoofdtekst

Klaassen: Zie hadn vrower mangs de gave van t tweede gezicht.
Kleissen: Dat was ok ne gave. n Buurman kwam bie oons vrower moal, ja god, doe was ik mer zo’n jeunkn, en doe per slot van rekn, is de vaar nog in hoes? Is Kleissen nog in hoes? Mien vaar hette Kleissen, Jans of dit of dat. Nee, wat is d’r dan? Ik wil Kleissen sprekn. No har moder zegd: wat is d’r dan? Den ooldn keerl har ok n naam, dat he mangs wat zag. n Vuurgeschicht of t een of aander woarvan ze hebt vertöln, dat no is oetkömn, dat dit en dat zol gebuurn. En wat is d’r dan? Ja niks, ik mot Kleissen sprekn. Wat is t geval: doe hadn ze vare ophaald, den was op n es en he was noar vare hen goan op n es en doe har he t vertöln, dat doar en doar stun nen boom allenig bie oons en den stun gans alleen en ’s nachtns um half twee har he d’r oet west en he har den boom zeen, al de teuw d’r an en den boom stun gans alleen. En doe vertöl t vare ok ’s morgns of ’s merraagns, wat den ooldn keerl zegd har. O, Goddegod, wie hadn wa van vuurgeschicht heurd. Wat is dat dan? Of wie no n eksternust zagn of dit of dat, nich, doar kon geneen biekomn en zölf nich in n boom klimn, gennen appel of peer ofschudn, ’s Joars d’rop, potdomme en genean; wie hadn n paar mooie Tesselse schöap, doe miene breurs, dee goat an t schoapscheern en op nen mooin junidag, mooi waarm, nemt n paar lemmer met en stoat doar mooi in de schaa van den boom. En per slot van rekn warn ze mooi an t scheern, net n allermeuistn en dat en dat meer; böa har he zegd en doe was he doad west. He was met n lestn gangs west, he, böa har he zegd en doe was he doad west. En doe zedn ze, dat wa tot mekaar. Mien zuster zer, zol dat den boom wezn. Joa.

Onderwerp

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Beschrijving

Een buurman ziet ’s nachts een touw aan een boom hangen. Een jaar later sterft de vader van de verteller onder die boom.

Bron

Collectie Engelbertink, verslag 12, verhaal 18

Naam Overig in Tekst

Kleissen    Kleissen   

Jans    Jans