Registratie zal enige tijd duren. Deze functie is in ontwikkeling.

ENGELB_18_009

Een sage (mondeling), vrijdag 07 augustus 1981

Hoofdtekst

Wil: Dat verteln grootvader owwer n Hofmeier, ja dee waarn eargns henwest en ophaaln met de waag en doe n Hofmeier. Grootvader zear, het was net of ze rong tusschen de waag in de raar wördn stokn en de peer kondn nich meer vedan.
Wit: Warn goan stoan.
E: Mer gelöaw ie ok wa, dat n peerd meer zöt as n meanske?
Wit: n Peerd, joa dat wet ik ok. n Peerd zöt völ meer.
Wil: Mer nen hoond dacht ik ok wa.
Wit: En doe hef he zoa lang stoan mötn, dat de peer duurnat vuur de waag har stoan, kiek dat is almoal, zie könt der wa an krepeern an zo-iets, no warn de peer vrogger nich zoa dik as op t momeant, dee kendn nog n heel bool los zweetn eer at ze heelmoal owwerspann warn, ha'k hoaste zegd.
Wil: Best was t nich. Best was t der nich vuur.
Wit: En doe later hef he eer natuurlik wa wier los loatn en dan warn ze tien minuutn van t hoes um dan de peer doar an t stoan te hooldn. Zee kondn niks, mer wes wa den iever, a'j t hoes zeet en ie könt der nich komn en dan bint ook nog peer, dan mö'j t ok nog good begriepn dat heel moeilik is. Den keerl mos mer net zoa lang geduldig wochtn, totdat de waag weer los kwam en at ze t moal nich könt redn, wees wa, at ze een teegn komt at ze oons teegn kwamn en ze kondn t nich redn um hem vast te zetn of te ploagn, mer dan was t net of de duvel achter oe an ging en höw tegn de waagn an, wees wa, dan kon ze oe wa bang maakn, dan hadn ze t ok nich aait in de macht, dat schot ok nog ... dat is ok nog hoe geliek ... n een hebt ze, könt ze völ meer vat op maakn, dat is vandaag ook nog wa zoo, a'j dat rekkent, at ze hier op zo'n ding loat vuur gek lign ha'k hoast zegd, at der zonnen keerl in de zaal zit, dan haalt he der zoo a stuk of vief oet dee he der zowat dood kan hen legn.
E: Hypnose.

Onderwerp

SINSAG 0539 - Hexe bannt an den Platz    SINSAG 0539 - Hexe bannt an den Platz   

Beschrijving

Iemand heeft de paarden behekst, zodat ze zich niet kunnen bewegen. Dieren kunnen meer waarnemen dan mensen.

Bron

Collectie Engelbertink, verslag 18, verhaal 9

Commentaar

Zie ENGELB_18_008

Naam Overig in Tekst

Hofmeier    Hofmeier