Registratie zal enige tijd duren. Deze functie is in ontwikkeling.

ENGELB_18_025

Een sage (mondeling), vrijdag 07 augustus 1981

Hoofdtekst

E: Watn leu hebt ok wa mangs zeen, dat der een of ander tremmeke zol loopn eargns.
Wit: Auto waagns zoonder peer, dat hebt ze ok almoal wa zeen loopn. Ik heb metmaakt, bie oons was n mooi buske, mer t ston achter de bek, zeg mer het heurn oons nich en mooi almoal eekn holt, heelmoal, zeg mer, tegn mekaar opwasn en goede dikn, mer gen beum nog, echt nen eekn bos en doe zeg oons Hanna, wat doar almoal is te rommeln, dat mag de Joost weetn, het is net of ze hoolt in de vrachtwaag smiett, wes wa in ne heultn waag, bom, boem, en der is oorlog komn en dat hele buske hebt ze ofzaagd, wes wa, dat was net kachelhoolt, mooi ko'j klöavn, doar ko'j met wearkn en doar kon geneen in en de Pruus jaagn owweral duurhen, wes wa recht an en recht too en den kon der wa komn en den hef t hele buske van de been of doan en t is almoal in de vrachtwwagn komn.
Wil: Bie oons ook n bos.
E: Har oe zuster dat van te vuurtn zeen?
Wit: Ja, den zei dat dan, wat hier gebuurt, dat weet ik nich, mer zie bint drok met t hoolt an t smietn, zer het dan. En he heurn t en ik stun der bie en zer, ie bint gek. Ik heur niks.
Wil: Hoe oald wars doe doe?
Wit: Ik was n joar of elf. Den har ok alns in de gaatn, den was ok nich bang, he hef ok aait bie oons de hele hoeshölling regeern mötn, zeg mer. En doe moor dood was, dat was n heel ander soort means wier.
E: Oe zuster lewt nich meer?
Wit: Den lewt nich meer. Zee was viefteen joar ölder as ik.

Onderwerp

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Beschrijving

De zus van de verteller heeft het stapelen van hout gehoord lang voordat een bepaald bos werd afgekapt.

Bron

Collectie Engelbertink, verslag 18, verhaal 25

Naam Overig in Tekst

De Joost [Duivel]    De Joost [Duivel]   

Hanna    Hanna   

De Pruis [Duitsers]    De Pruis [Duitsers]