Registratie zal enige tijd duren. Deze functie is in ontwikkeling.

ENGELB_19_003

Een sage (mondeling), dinsdag 26 juli 1983

Hoofdtekst

E: Dat zint dan de dinger dee'j van te vuurtn könt vuurzeen, hè.
S: En dat is mie zölf nog overkomn, bie oons ha'j zo'n wiek, dat neumn ze ongelukswiek.
E: In Slaghaarn, hè?
S: en dat was ne jong van Weekamp, dat was n neef van Weekamp, den no n postorderbedrief hef. He deur nergs wat an. Ik was zo'n jeunkn, toen mien beide zusters, een hef in klooster west, den was 48 joar, den is no dood en mien oldste zuster; dee stundn zoo veur t hoes en toen koomp hij der langs; hij wol noar zien zuster hen, en toen zeg mien zuster nog zoo tegn hem: mar Willem doar goa'j toch nich hen, doar langs de ongelukswiek, alles wat der is, mag miej wa kriegn en nog gen half uur later kwam he weer an en net an ene kant van de huud was he nat en de aandere kant was he dreug, he was zoo opneumd en op t water was he zoo dwars overzweefd en hadn ze hem ook zoo weer op de weg zet.
E: Was dat met een of andre weindheks west dan?
S: Nee, he deur ja nergns wat an, dan zol de duvel hem te pakn had hebn. En toen kwam he biej oons weer binn, n kwartierkn later, he was zoo wit as nen doodn, zoo wit as nen doodn, mar he kun der eerst niks uutkriegn, toen dof ik 's oavnds met, mien breur was n joar of wat oolder, en toen he'w hem noar huus bracht en toen zeg he, Joost har miej te pakn, zeg hij, ik ben dar no nog ofkomn, zeg he, mar n zoaterdag, zeg he, hij gung zoaterdag hen biechtn noar de keark hen en no is he later trouwd in Bergentheim, zo'n gezin.
E: Dat hef hem doe wa hölpn dan.
S: Dat hef hem wa hölpen.
E: Dat was n verhaal met Joost, zoa neumn ie dat, hè?
S: Jeuskn, de duvel har hem te pakn.
........

Onderwerp

SINSAG 0918 - Teufel führt Sünder mit.    SINSAG 0918 - Teufel führt Sünder mit.   

Beschrijving

Op een bepaalde plek heerst veel ongeluk. Iemand is daar door de Duivel over het water heengetild.

Bron

Collectie Engelbertink, verslag 19, verhaal 3

Naam Overig in Tekst

De Joost [Duivel]    De Joost [Duivel]   

Willem    Willem   

Wehkamp    Wehkamp   

Naam Locatie in Tekst

Slagharen    Slagharen   

Bergentheim    Bergentheim   

Plaats van Handelen

Slagharen    Slagharen