Registratie zal enige tijd duren. Deze functie is in ontwikkeling.

ENGELB_21_012

Een sage (mondeling), dinsdag 15 juli 1986

Hoofdtekst

E: Is der nog woar n spookhoes hier woar in de buurt of nich?
L: Nee.
Mer dat kwam ok meestal van oolde leu hè, dan maakn wie nen neien bezem, dan haaln wie de wan van t hoes, van de kaant of
E: Van de hiel, doar van de kleedsels
L: Kleedsel joa en dan gung doar de wan op, dan ler wie den onder t slop, zedn wie ok.
E: Dat ken ik ok wis wa.
L: Onder t slop en dan mos doar van ieders, nen ander morgn, ja dat keakn wie der noar nich altied te zeen, dan beschouwn ze oons ok as flauwe kul, mer dan lag der van ieder korrel, nen rognkorrel en nen tarwekorrel.
E: Zeg ie geen keurn?
L: Keurn, joa rognkeurn, joa korrel zeg ie wa in t Hollands, nen rognkoornt, en nen ander koornt, nen tarwekoornt. Joa van alle soortn keurn lagn doar onder.
E: En woarvuur was dat bestemd dan?
L: Of der wier ne goede oogst kwam of nich. In t zommer.
E: Mer woar ko'j dat oet opmaakn dan?
L: At der riekelik wat onder lagn. At der nich ean of twei onder lagn, der mos van ieders meer onder lign.
E: Mer woar kwamn dee dan vandan dee keurn?
L: Dat was n wonder. Joa dat gelöavn wie.
E: Kon dat nich duur dee gliewn duur valn?
L: Nee, dat wusn wie ok nich, wie warn kinder hè, jongs van n joar of veerteen, viefteen. Wie kondn a nen bezzem maakn.
E: Nen riesbezzem.
L: Nen riesbezzem. Dee maak ik nog wa es, joawa. Joa, dan zeg dee jonge vrouw hier, Annie, dee zeg, doar kan ik beste zoaterdaagns mooi n plas met of keern. Met n riesbezzem, meuier nog as met nen ander, dee andre bezzems nemt te völ met, zaand en grei.
E: Met n riesbezzem geat t beste nog. Is oe dat ok nich passeerd, dat doar keurn lagn.?
L: Doar lagn wa keurn, joa dat gelöawn wie as jongs ok wa.
E: Mer woar kwamn dee dan vandan?

Onderwerp

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Beschrijving

Als er veel koren ligt onder het zoldergat, dan krijgt men een goede oogst.

Bron

Collectie Engelbertink, verslag 21, verhaal 12

Naam Overig in Tekst

Annie    Annie