Registratie zal enige tijd duren. Deze functie is in ontwikkeling.

KROSENBRINK00202

Een sage (mondeling), dinsdag 01 mei 1962

Hoofdtekst

Ne jonge ging altied op zondagaovend hen brood halen. De leu stotten zich daor an. Hee kon joo wal op ne andern dag gaon. Op ne zondag ging e der wear hen en um was al veurspeld, dat e neet in de bakkeri’je zol kommen. Maor hee ging toch. Onderweggens sprong um zon klein menneken op den nakke en kek um stief in de ogene. Hee kon haoste neet mear veuroet kommen. Ut menneken zea teggen um: Zowaor a’j un brood könt dreagen, dan kö’j mi’j ok dreagen. Den jonge kwam neet in de bakkeri’je en mos zes weake zeek in bedde blieven liggen.
Hee was der zo bange van ewordene, dat e noo veur alles schrok. Op ne keare leep e onder ne dreugedraod hen en ton veel der net un kinderhemd af op ziene rugge. Hee veulen wat achter zich, want ut bleef haöken an ene van de haöken van ziene bokse. En den jonge ging an ut lopen. Hee zoog de schemme achter zich en hoo harder as hee leep, eaven hard leep de schemme van ut hemd met. Drievenat kwam e bi’j un hoes an, waor ze um vrogen, wat of e toch hadde. En daor vertellen ze um, dat e veur un kinderhemd op den löppe was egaone.

Beschrijving

Een jongen ging altijd op zondagavond brood halen. Men vond dat hij dat ook wel op een andere dag kon doen. Op een zondag ging hij weer, maar er was voorspeld dat hij de bakkerij niet zou halen. Onderweg sprong er een mannetje om zijn nek en zei: 'Als je een brood kan dragen, kan je mij ook dragen'. De jongen kwam nooit bij de bakkerij aan en lag zes weken ziek op bed. Daarna schrok hij van alles. Op een dag viel een kinderhemd op zijn rug en hij zette het op een lopen. Als hij harder ging lopen, bewoog de schaduw van het hemd met hem mee. Toen hij bij een huis aankwam vertelden de bewoners hem dat het maar een kinderhemd was.

Bron

Corpus Krosenbrink, verslag 2, verhaal 2 (archief Meertens Instituut)