Registratie zal enige tijd duren. Deze functie is in ontwikkeling.

LAAN081 - Richterroadsels

Een sprookje (boek), 1930

Hoofdtekst

Richterroadsels

Veur joaren ston der 'n aarm man veur de rechters. Hai zol 'n moord doan hebben, en òf e al doezendmoal zee dat e onschuldeg was, 't hulp niks. Hai wör ter dood veroordaild.
Dou kwam zien vraauw noa veuren; Zai gaf aan de rechters 'n roadsel op. As ze dat nait roaden konden, din was e vrij. Heur roadsel was:

Op Eli goa ik,
Op Eli stoa ik,
Op Eli vestig ik aal mien moud,
Komt heren, komt heren,
Zegt het goud!

Ja, dat was stoer genog. De rechters bedòchten zok van 't ain ìnne noa 't aander. Ze wollen 't nait verloren geven. Mor ze mozzen wel, en 't was toch zo makkelik.
Eli dat was heur hondje ja. Van dij zien vel haar de vraauw 'n waarm zooltje in de schounen moakt, en doar luip en ston ze op.
Wel verdold, zeden de rechters, dat wie dàt ook nait bedìnken konden! Kin je nòg ain? Van ze moggen geern roaden in dij òlle tieden. As ie nou nòg ain kinnen, din zel joen man vrij wezen. Mor paas op, dat roaden wie wel! Wie binnen der nou op verdòcht.

Zai zee:

Zörg in nood zat op de woagen,
Hai zag twijbain vaierbain droagen,
Twij kòppen en ain steert,
Heren, dat is roaden weerd!

Ja, dat was 't ook. Wel was zörg in nood? Dat was 'n aander veroordailde, dij al op woagen zat, doar ze hom mit noa de gaalg bròchten.
Mor wat zag dij keerl din tòch?
Twijbain, dat was de aaiberd, en vaierbain was de kikkerd vanzulf. Nou, 'n kikkerd het wel 'n kòp, net zo goud as 'n aaiberd, mor zien staart is e kwiet. Zo was 't makkelk genog, al leek 't ook nòg zo roar.
De rechters wollen zok wel veur de kòp haauwgen, mor zegd is zegd, en de man was vrij!

Onderwerp

AT 0927 - Out-riddling the Judge    AT 0927 - Out-riddling the Judge   

ATU 0927    ATU 0927   

Beschrijving

Een onschuldige man is ter dood veroordeeld. Zijn vrouw mag een raadsel verzinnen. Als de rechters het niet kunnen raden, is de man vrij. Zij vertelt het raadsel en de rechters weten het antwoord niet. Nu moet ze een tweede raadsel verzinnen. Weer kunnen de rechters het niet raden en de man is vrij.

Bron

Laan, K. ter. Groninger overleveringen. Zutphen, 1930. p. 199

Commentaar

1930
Out-riddling the Judge

Naam Overig in Tekst

Eli    Eli   

Zörg-in-nood.    Zörg-in-nood.   

Datum Invoer

2013-03-01 14:46:20