Registratie zal enige tijd duren. Deze functie is in ontwikkeling.

LAAN073 - Janman in 't pampieren hoeske

Een sage (boek), 1930

p186.jpg

Hoofdtekst

Janman in 't pampieren hoeske

Litje Janmaanje woonde in zien pampieren hoeske. Heks kon hom doar nooit riegen, dòcht e. As e heur tag, din schol e heur oet: Ol heks, òl teuverheks, kìnst mie tòch nait kriegen
Op 'n duur wör ze der gloepende kwoad om; ze zol hom wel! Ze gong noa zien hoeske tou, en pruit hail mooi en zaacht mit heur gròvve stem.
Mor Janmaanje vertraawde 't òl wief op gain venweegs noa; hai kroop gaauw onder bedstee. Dou wipte heks mit heur laange bainen boven op 't dak, en luit zok bie schòstain deelglieden. Ze pakte Janmaanje, en stòpte hom in 'n òl zak, dij ze vot al mitnomen haar.
Zak op nek, en doar gong 't hìn. Mor ze mos onderwegens nog even 'n bòsschop doun; ze zette Janmaanje in zien zak zo laank op kaant van weg. Janmaanje vot aan 't roupen: Help mie der oet! Ik wil der oett!
Heegknipper heurde 't, en hulp hom tou zak oet; 't begroodde hom veuls te slim van 't lutje vìntje. Hai stòpte de zak vol mit hoageldoornstroeken, dij e net òfknipt haar.
Dou gong heegknipper weer dood bedoard noa heeg, en Janmaanje muik bainen. Ol heks trok heur zak weer op nek. Moar de heegstiekels stakken der deur hin. Zai keek over zied:
Joa, Janmaanje, dat helpt die niks, òfst al mit stòpnaalden stekste, mit mozze en mit zelde!
Kedel mit kokende eulie ston al veur hom kloar, ze wol hom leventeg koken. Dou ze in hoes kwam, en zag dat Janman heur te loos west haar, wör ze tòch zo zoezende kwoad. Ze zol dij kroep in dòbbe, dij iepenkriet, dat krikje wel kriegen, wat dòchde!
Janmaanje zat al laank weer in 'n koedeltje achter heerd. Heks huil hom veur de twijde moal, kneep hom in zien spieltjes van aarms, en stòpte hom weer in zak. Weer mos ze onderwegens aan. Janman schraifde en reerde nou wel zo alderbenaauwdst, dat slootgroaver 't heurde.
Wie zellen òl heks der wel veur kriegen, zee slootgraover, en stòpte zak vol bragel oet sloot.
Heks haar zak nog mor even op pokkel, of ze wör al dwaarsdeurnat van dij bribbel. 't Helpt die niks, òfst al benaauwd biste, Janmaanje! zee 't Olske, van zai dòchte dat Janmaanje wat doan haar. Mit mozze en mit zelde!
Dou ze nou weer in hoes kwam, het ze vot de zak boven kedel omkeerd. De bragel vol der in, en sputterde, dat òl heks kwam onder de kokende eulie, was sikkom leventeg verbraand.
Janmaanje was vrij en runde noa zien hoeske. Ol heks was duvels en luip vot achter hom aan en greep hom. Veur de daarde moal nam ze hom mit en nou haar ze gain bòsschop onderwegens. Zo kwam ze in heur hoes en wol hom vot kòp òfhaauwen.
Janmaanje! zee ze, goa mor mit kòp op 't blòk liggen.
'k Wait nait, hou 't mout, zee Janmaanje.
Ol heks dee hom 't veur. Dou greep Janmaanje biel en sluig zo haard as e mor kon. Zai haar ook mor zoo'n dun haalske, dat biel vloog ter in ainmoal deur en kòp rolde over flouer. Janmaanje was nou veurgoud vrij, runde zo haard as e kon noa 't Pampieren hoeske en het van zien levent nooit gain heks weer oetschollen. En as e nait dood is, din leeft e nou nòg.

Onderwerp

AT 0327C - The Devil (Witch) Carries the Hero Home in a Sack    AT 0327C - The Devil (Witch) Carries the Hero Home in a Sack   

ATU 0327C    ATU 0327C   

Beschrijving

Janman scheldt altijd een heks uit. Daarom neemt de heks Janman achterop in de zak. Een heggensnoeier helpt hem eruit en stopt takjes in de zak. Als de heks erachter komt, neemt zij hem opnieuw achter in de zak. Een slootgraver helpt hem eruit en stopt slootwater in de zak. De derde keer kan hij niet ontsnappen en wordt meegenomen naar het huis van de heks. Daar moet hij van haar zijn hoofd op een blok leggen. Hij vroeg haar het voor te doen en hakte haar hoofd eraf. Sindsdien scheldt hij nooit meer heksen uit.

Bron

Laan, K. ter. Groninger overleveringen. Zutphen, 1930. p. 184

Commentaar

1930
The Devil (Witch) Carries the Hero Home in a Sack

Naam Overig in Tekst

Janmaanje    Janmaanje   

Naam Locatie in Tekst

Janman    Janman   

Datum Invoer

2013-03-01 14:46:20