Registratie zal enige tijd duren. Deze functie is in ontwikkeling.

NOO00124 - Sirjansland

Een sage (mondeling), woensdag 27 juni 1962

Hoofdtekst

Me waere in 1944 ok gevacueêrd voo de Duitsers in me ao aoles achter motte laete. Ma in juni 1945 mochte me trugkomme in netuurlek zō gauw mogeluk geperbeerd om wi mee ’t vissen te beginne. ‘k È m’n bôôt wi in orde ebracht in in ’t waeter eleid. In goed, noe was ’t aolef juli in un êête weke. ’s Aeves gieng d’n damp over ’t land zō’n meter ôôge. In ik ma visse, dat begriep je. In ja, ’t was zō snachs om ’n uur of drieë. Ik roei zō wat en di zie ‘k wat ankomme over ’t karreveld. ’t Was zō ies as ’n voetbal in die bal was êêne bonke vier.
‘k Ieuw netuurluk op mit roeien om ’t goed te zien wat of dat noe eigeluk was. Zo as ‘k zei: die vierbal was eest zō grôôt as ’n voetbal ma ie wier aol ma grôôter. En die bal kwam ni mien toe rolle over ’t karreveld in zō ni ’t waeter. In toe die vierbal bie ’t waeter kwam gieng ’n inêêns ni bove, steil de lucht in. ‘k Bin nie biegelôôvig, ma ‘k vond ’t toch ma vreemd. Toe ‘t d’n aoren dag gôêd licht was bin ‘k nog ’s gae kieke of ’t er wat te zien was op de plekke wi ‘k die bal over ’t land ao zie rolle. Ma ‘k è niks kunne vinde. D’r was niks eschrôêid of ebrand. ’t Was wè erg vreemd in ‘k è ’t laeter nooit mi ezieë.

Onderwerp

SINLEG 0023 - Lichterscheinungen    SINLEG 0023 - Lichterscheinungen   

Beschrijving

Verteller ging na terugkomst in 1945 na evacuatie meteen weer vissen. Op een nacht ziet hij een vuurbal over het land op hem afkomen, die bij het water gekomen opstijgt. De volgende dag is er niets te zien op de plek.

Bron

Collectie De Nooijer, verslag 12, verhaal 2 (Archief Meertens Instituut)

Commentaar

27 juni 1962
Lichterscheinungen

Naam Overig in Tekst

Duitsers    Duitsers   

Datum Invoer

2013-03-01 14:46:21