CJ061201

Myn omke wie geboaren yn 1846. Hy fortelde, der stie froeger in doomny yn Surhústerfean, dy koe omraek preekje. Sy praetten dêr ris oer ûnder elkoarren op in tsjerkeriedsforgadering, hoe 'n merakel as dat wie, mar doe wienen der ek guon dy seinen: "Hy docht it allegearre fan papier ôf, hy preket net út 'e holle, en dan is it net sa'n greate kunst, as er dy preek earst op papier makke hat. Hy hat de hiele wike tiid om der oer to tinken."
Doe't de doomny dat hearde, sei er: "Jow my snein-to-moarn mar in tekst op, dêr't ik oer preekje mat, dan sil ik dat dwaen. Dan kinne jimme sjen, dat ik it papier net noadich ha."
Sy praetten ôf, sy soenen in tekst op 'e preekstoel dellizze krekt foardat de preek bigong, en dat gebeurde ek. Mar, sy leinen der in blanko briefke del, dêr't alhiel neat op stie.
De doomny kom op 'e preekstoel. Hy lies it briefke op 'e iene kant en sei: "Daar staat niets." Doe draeide er it om en biseach de oare kant en doe sei er: "Daar staat ook niets." En fuort der achteroan sei er: "Uit niets heeft God hemel en aarde geschapen." Hy hâldde in preek oer de schepping en de lju yn 'e tsjerke wienen allegear fol biwondering.

VDK 1828A* - "Uit niets heeft God de wereld geschapen."    VDK 1828A* - "Uit niets heeft God de wereld geschapen."   

Mijn oom is geboren in 1846 en verteld dat in zijn tijd een dominee in Surhuisterveen is die goed kan preken. Tijdens een kerkvergadering wordt gesuggereerd dat hij de preek niet uit zijn hoofd doet, maar eerst op papier zet. De dominee zegt dat ze dan zondagmorgen een tekst moeten geven waar hij over moet preken. Aldus geschiedt. Ze leggen vlak voor de preek een leeg vel papier neer. De dominee merkt vervolgens op dat er niets op staat en zegt dat God uit niets de hemel en aarde heeft geschapen en houdt een preek over de schepping.

Collectie Jaarsma, verslag 612, verhaal 1

6 maart 1969

"Uit niets heeft God de wereld geschapen."

1846    1846   

God    God   

Surhústerfean    Surhústerfean   

Surhuisterveen    Surhuisterveen   

2013-03-01 14:46:21