ENGELB_08A_004

B: Ik was met mien moder bie Niehoes in Maander, doar was ze vandan, doar hadn ze nen grootn palmbôs, 't is nô a verbouwd doar bie Niehoes, ik wet nich of ie Niehoes wet doar in Maander.
Ik: Doar zint toch dee juffern van of nich?
B: Joa Santje is der ok van, Santje lag nog in de weeg, de juffrouw, dee lag nog in 't wat, dee grootmoder lag a ôp stearvn en dee oel, dee kwikoel, dat he'k nô zölf heurd, nich, den döar niks aands as roopn en zee is ok nog dee nacht stöarvn, nich, doe hebt wie zoa lang wocht en zint wie ôp hoes an stapt. Ik en oons moder. Den döar al vedan duur, vlak an 't raam, raar geluud, of he dat wus of nich wus, mer dat döar he, dee kwikoel in 'n palmbôs zat he, he har nen grootn palmbôs doar vuur 't hoes, doar zat he dan, nich, al duur.
Ik: Wat zôl dat west hebn?
B: Ik wet nich, wat of dat west hef, nich.
Ik: Ik heb wa es mangs heurn verkloarn, dat den kwikoel dat hef könn roekn, zôl dat nich?
B: misschien, dat he dat rökn hef.
Ik: Ja een den ôp stearvn lig, den kö'j ok vaak roekn.
B: Mer dat is inderdaad gebuurd, akelig is dat.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Voorloop van sterfgeval.

Collectie Engelbertink, verslag 8a, verhaal 4 (Archief Meertens Instituut)

Mander    Mander   

Mander    Mander