ENGELB_12_025

Ben Kleissen: Watn pastoors konn tegn n veur aandern tegn zeekten, dat wördn vroger mangs zegd. M. is dat en den koomp hier mangs op visiet. T.meuj en J.oom, n joonk peard vuur de zealwaag, komt ’s oavnds bie oons en goat nog wa oardig laat wierum en doe onderweg zo tusken tied, houwt he 't peard met de lien op t gat en zie zatn vuur met de been op t eanspan, op t kistke, dat we’j wa.
Kl.H.: Mien oom B. oet Langven, ik zal de man en peard d’r bieneumn vuur de been, zie warn met t peard en dat peard houwt achteroet, bam, dear slim zeer, eerst nog nen dag anzeen, mer n dokter oet Tubbig mos komn, nou, Dat ziet er niet mooi uit, als dat de verkeerde kant maar niet ingaat. n dik been, he har d’r oetzeen, alsn kot en t har d’r oetzeen, en het was hem nog wa dik oploopn, slim en J.oom, n naar geleuvig man en de pastoor, den har hem mangs, nem ik wa an, n scheenke metbracht; he was komn en he har zegd, n dokter mos komn en n dokter koomp en n dokter koomp, ja n dokter was d’r kömn, he har zegd, he wus t ok nich, loa’w wachtn tot morgnvroow, en at t um zeuvn uur nich veraandern, dan möt he noar t zeeknhoes hen. Doe zer J., loat de pastoor es komn. De pastoor koomp. He zeg: J. wat is er? Ja, zoa en zoa, slim, slim, ie könt mie helpn, pastoor ie möt mie helpn, want ik goa dood, want ik mot morgnvroow noar t zeeknhoes hen. Wie zej dat? Hoe laat? Ja, zeuvn uur en n dokter zer, at t dan nich iets of was zakt, dan mos he vot, dan dof he d’r nich vuur instoan en dat en dat. Wie hebt aait good vertrouwn in mekaar had en wie hebt aait good met mekaar könn opscheetn, ie möt mie helpn, dat verlang ik van oe, dat kön ie ok en doe har he, verdikke, har he zegd, M. ik zal voor jou doen, wat ik kan en ik doe het vanavond direct. Het is nog geen morgenvroeg zeven uur. En n dokter was ’s andersmorgns wierkömn en doe har he zegd: Wat is er hier gebeurd? Het is niet meer nodig, je hoeft niet meer naar het ziekenhuis, de ziekte heeft een hele andere wending aangenomen, He har d’r verstomd van stoan, he wus nich, woar t vandan kwam, mer dat zer he ok van mien vaar, doe zeg hij, hij is ongeneselijk en toch bettern he wier, doe was ziene vrouw d’rbie en doe zeg he: Klein Haarhuis, zeg he, ik kan jou niet helpen, maar de heilige Gerardus heeft jou wonderbaarlijk bijgestaan. Ja, zeg ziene vrouw, u hebt ook uw best gedaan. Nee, zeg he, dat kon ik als mens zijnde niet, daar moet ik afblijven, maar de heilge Gerardus, daar heb je altijd zo’n groot vertrouwen in gehad, die heeft je genezing gebracht, maar niet ik, ik kom er openlijk vooruit, dat was dokter H. oet Tubbergn.

Dokter kan niets doen aan een verwonding, de pastoor belooft te helpen, waarna de verwonding is genezen. De dokter schrijft dit toe aan het werk van een heilige.

Collectie Engelbertink, verslag 12, verhaal 25 (Archief Meertens Instituut)

Klein Haarhuis    Klein Haarhuis   

Sint Gerardus    Sint Gerardus   

Langeveen    Langeveen   

Tubbergen    Tubbergen   

Langeveen    Langeveen