ENGELB_13_013

E.M.: Ströapn a’j jong zint dat döa’j verrek gearn. Ik har zon haaznstrik in n es stoan en ik deank ’s oavnds, no goat ze owweral hen, ik deank ’s oavnds, ik kon der wa es hengoan, n uur of tien, half elfn of zoa, misschien elf uur hen kiekn doar kon a makkelk wat inzetn of nich, dat dacht ik bie mie zölf, ik der hen, mer ik was secuur en heanig bang, dat ze oe zoln bekeurn en verrek, ik was kort bie de strik, ik deank, loa’k es evn lostern of ik niks heur en doar heur ik der verrek een loopn in de stej, ik deank mijn God, wat is dat, ik deank dat is der en, den loerde of ik oet hoes gung, den löp doar achter mie an en den wil mie te pakn kriegn, nich, bekeurn of zoa, nich, misschien hef he mie wa wat in dat strik indoan, mer ik löap dat strik vuurbie, mer wie hadn doar nen rognhoap net in d’n tip stoan en doar gung ik verrek anstoan, mer t Gröalke har nen schim zeen en dat har mie ok vernömn, nich, dat dach, wat zol dat toch wa nich wezn, met t Gröalke keek zoa mangs, nich, mer verders ok niks. Ik zer niks an t Gröalkn hef ok niks zegd. Mer n acht daag later, doe koump t Gröalkn bie ouns hen slachtn. Doe zeg he, dommezeg he, nich, he’j t a doan met dörschen. Wat dan? Woarum dös doe den rognhoap nich? Och, zeg vader, den steat nog goad ... Doar he’k kons wat zeen, zeg’t, a doe dat zeen has, dan haals hem vandaag nog weg. Nen keerl zonder kop. Doe koons net zegn was wos, ik heb ok niks zegd. He har nen keerl zonder kop zeen. Ik stun doar zoa tegn an, nich, He har n kop nich zeen, nen keerl zonder kop, Ik konn net met hem proatn, was wos, he har nen keerl zonder kop zeen. Ja zukke dinger ha’j vrower. Ik deank, dat is nen grapnmaker west, dat he, doe ik oet hoes gung en he geat achter mie an, ja ik was wa oardig slim opdat stroapn dat wa’k en zoa gaauw, dat ik doar bie kom, nich, en zoa baas, no heb ik die. Dat Gröalke dat döar dat altied he, t'oold wol dat nich altied hebn. Santje dat wol t'oold nich hebn En t Gröalkn, dat kwam van de Mulder. En t Gröalkn dat dear vrower altied Toon den wol dat ja natuurlik nich hebn. Toon löap aait achter Santje an. Mer Santje wol Toon nich hebn. Mer Toon wördn gauw nen keerl ... mer as nen borrel has dan koons met Toon niks beginn, nich, Santje wol hem nich hebn, nich, mer t Gröalkn wa. As Toon Gröalkn zag ...

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

Zien van een man zonder hoofd.

Collectie Engelbertink, verslag 13, verhaal 13 (Archief Meertens Instituut)