ENGELB_13_015

G.M.: En woar heb ik dat dan heurn verteln, doar was ne huun west en dee har bie t veur legn en doe was he zoa wier vot goan, en doe har der moal een vertöln, doar konn ze wa ofkomn, dan mosn ze almoal ekkel nemn en dee mosn ze oetholn en dee mosn ze almoal um dat plagveur zetn en dan mosn ze der water indoon en doe was dee Huun der ok wier kömn en doe hadn dee ekkel mer dat water hadn doar instoan, doe har he vroawd, wat dat bedödde en doe har dat oolde meanske löaw’k zegd, at ze bier brouwn in ekkeldöp en doe was he opstoan en votgoan en was nooit wier kömn. Hes doe dat nich heurd, Eduard?
E.M.: Joawa, ik heb t ok wa heurd.
H.E.: Ikke nich.
G.M.: En no wet ik nich, bie wat vönne boer at dat west hef, dat wet ik nich.
H.E.: Doar in de buurt dacht ik.
G.M.: Dat möt doar west hebn, mer dat heb ik wa es heurd van dee Huun, wees wa Dee was der altied kömn, har doar bie dat loose veur goan lign, wees wa, bie t plagnveur, vrower hadn ze van dat veur en doe har den dat zegd hadn ze van dee ekkeldöp en dee mosn ze oetholn en dan mosn ze der water ingeatn, doe har he vroawd, wat dat har te betekn en doe was he opstoan was he votgoan en was der nooit wier west. En dat möt dee Huun doan hebn
E.M.: Dat is zoa
G.M.: Vrower, wees wa, mien schoonmoder koomp ja van n Huunnboarg, dee wus der ok wa es mangs wat van te verteln, wes wa, dee was ja van Oold Hengel.
E.M.: Ja, het is wa verrek jammer van dee oolde dinger, dat doar nooit ne beschrieving van west is, nich.
G.M.: Hes doe dat dan nooit heurd?

Eikels uithollen en vullen met water helpt om Hunen weg te houden van plaggevuren.

Collectie Engelbertink, verslag 13, verhaal 15

Eduard Maseland    Eduard Maseland   

Hun    Hun   

Oude Hengelo    Oude Hengelo   

Hunenborg    Hunenborg