Hoofdtekst
E: In Loster hè, hebt ze ja ok van dee grafvealdn vundn met urnn der in, boetn dat ze dat hebt opgraavn, he'j no ok wa heurd, dat doar ok wat an speukeriejn is passeerd?
L: Nee, dat wördn vrower wa es mangs zegd, doar gelöavn wie doe ok better an. Mer bie dat doadnhuuske doar wördn altied begraavn, dee boosdoeners za'k mer zegn hè, dat lig der ok nog en doe he'k mie wa es mangs zegd hè, dee wördn nog ineerd, vrower döadn ze dat ja, dat ze nich wier zoln loopn. De gereformeerdn wördn ja ok nich ineerd.
E: Ineerdn wat is dat eigenlik precies?
L: Met eerde derop.
E: Met eerde derop.
L: Je bent van stof en je zult tot, stof wederkeren. En dan kwamn ze nich wier.
E: Nee, nee oh dat is dat ineerdn, dus wee'j nich wat ne priester döt, vrower was t ja ok loatn zakn rechtevoort wördt dat ok nich meer doan. Der bovn op en later as t volk vot is,
L: Ja dat was mangs, hier in de Lut ok, dan wördn ze begraavn, dat he'k zölf wa zeen. En doar is ja al klei, mer dan kwamn ze in t water, doarum hebt ze dat doan. Ik heb der hier met de pastoor in de Lut wa moal owwer kuierd en doe zeg he, dat kan niet, dat ziet niet uit. Doarum löatn ze bovn op zetn.
E: Der wördt ja nog wa ineerd. Zie smiet der ja nog wa zaand owwer hen.
L: Zie smiet der ja nog wa n schöpke vol zaand op.
E: Oh en dat doot de protestantn nich.?
L: Nee, nee dee boosdoeners wördn vrower doar in t Hannekerveald begraavn in Losser. Mer dee wördn der ok zoa mer instopt hè.
E: Hadn ie doar ok t woord umleupers vuur?
L: Joa dee löapn der wier.
E: Umleupselvolk. Dat is dat schooiersvolk, wee'j nich, wat dan genne vaste woonplaats hef.
L: wat zich dan ophangn hadn, dee kwamn doar, dee kwamn nich op gewijde ground.
E: Dee kondn gen röst vindn.
L: kinder, dee vrower te vroo geboorn wördn, dee wördn ok onder de hei stopt.
E: Joa, dat was in Rossum doe ok zoa wa.
L: In Rossum ok. Dee kwamn ok nich op gewijde ground, zedn ze
E: Nee dan hadn ze nen apartn hook der in.
L: Nee, dat wördn vrower wa es mangs zegd, doar gelöavn wie doe ok better an. Mer bie dat doadnhuuske doar wördn altied begraavn, dee boosdoeners za'k mer zegn hè, dat lig der ok nog en doe he'k mie wa es mangs zegd hè, dee wördn nog ineerd, vrower döadn ze dat ja, dat ze nich wier zoln loopn. De gereformeerdn wördn ja ok nich ineerd.
E: Ineerdn wat is dat eigenlik precies?
L: Met eerde derop.
E: Met eerde derop.
L: Je bent van stof en je zult tot, stof wederkeren. En dan kwamn ze nich wier.
E: Nee, nee oh dat is dat ineerdn, dus wee'j nich wat ne priester döt, vrower was t ja ok loatn zakn rechtevoort wördt dat ok nich meer doan. Der bovn op en later as t volk vot is,
L: Ja dat was mangs, hier in de Lut ok, dan wördn ze begraavn, dat he'k zölf wa zeen. En doar is ja al klei, mer dan kwamn ze in t water, doarum hebt ze dat doan. Ik heb der hier met de pastoor in de Lut wa moal owwer kuierd en doe zeg he, dat kan niet, dat ziet niet uit. Doarum löatn ze bovn op zetn.
E: Der wördt ja nog wa ineerd. Zie smiet der ja nog wa zaand owwer hen.
L: Zie smiet der ja nog wa n schöpke vol zaand op.
E: Oh en dat doot de protestantn nich.?
L: Nee, nee dee boosdoeners wördn vrower doar in t Hannekerveald begraavn in Losser. Mer dee wördn der ok zoa mer instopt hè.
E: Hadn ie doar ok t woord umleupers vuur?
L: Joa dee löapn der wier.
E: Umleupselvolk. Dat is dat schooiersvolk, wee'j nich, wat dan genne vaste woonplaats hef.
L: wat zich dan ophangn hadn, dee kwamn doar, dee kwamn nich op gewijde ground.
E: Dee kondn gen röst vindn.
L: kinder, dee vrower te vroo geboorn wördn, dee wördn ok onder de hei stopt.
E: Joa, dat was in Rossum doe ok zoa wa.
L: In Rossum ok. Dee kwamn ok nich op gewijde ground, zedn ze
E: Nee dan hadn ze nen apartn hook der in.
Beschrijving
Gebruiken bij begrafenis; wie niet in gewijde grond wordt begraven.
Bron
Collectie Engelbertink, verslag 21, verhaal 14 (Archief Meertens Instituut)
Naam Overig in Tekst
Hannekerveld 
Hannekerveld 
Naam Locatie in Tekst
Rossum
Rossum
Losser
Losser
De Lutte
De Lutte