BIJLSMA004401

Jongbloed wennet oan 'e dyk tusken Aldhoarne en Aldeberkeap. In eintsje efter syn hûs is in hichte mei bosk, dat neamt men dêr de Kikenberch. Yn dat bosk wie eren - sa seit men - in joadetsjerkhôf. Dêr bin wol minskebonken foun. Nou wurdt in âld forfallen tsjerkhôf, of hwat men der foar hâldt, nochal gau in joadetsjerkhôf neamd. It is dan faeks in âld-hôf, dêr't ienris frjemdelingen biierdige waerden. De folksfantasije weeft der soms in forhael omhinne. Sa wurdt der wol sein dat yn 'e tachtichjierrige oarloch der oan 'e Berkeaper kant yn 'e Tsjonger in soad Spaenske soldaten fordronken binne. Dy soene doe op 'e Kikenberch bigroeven wêze.
Tichteby Jongbloed wennet in âld man (Bos), dy't altyd yn dizze kriten tahâlden hat. Hy is berne to Jobbegea-Skuorregea, wie arbeider en siet wol folle yn grounwurk. Hy hie dêr op 'e Kikenberch ek wol groeven. Dêr siet - sa sei er - gâns stien yn 'e groun, hwat wizen-koe der op wize koe, dat der alear in kapel, in tsjerke, of mûlk ek in muorre om it tsjerkhôf stien hie. Men foun der ek biente fan minsken. De skeletten waerden yn sittende hâlding oantroffen.
In eintsje fierder is it Sibeheuch en de Sibe Anneswei.
Jongbloed sil ien en oar syn omtinken jaen en neigean as der ek noch âlde forhalen oan forboun binne.

Over kerkhof in een bos waar verdronken Spaanse soldaten zijn begraven, vinden van beenderen van mensen en zittende skeletten.

Collectie Bijlsma, verslag 44, verhaal 1 (Archief Meertens Instituut)

Jongbloed    Jongbloed   

Kikenberch    Kikenberch   

Tsjonger    Tsjonger   

Tjonger    Tjonger   

Spaenske    Spaenske   

Spaanse    Spaanse   

Berkeaper    Berkeaper   

Oldeberkoper    Oldeberkoper   

Bos    Bos   

Kiekenberg    Kiekenberg   

Sibeheuch    Sibeheuch   

Sibe Anneswei    Sibe Anneswei   

Siebe Annesweg    Siebe Annesweg   

Aldhoarne    Aldhoarne   

Oudehorne    Oudehorne   

Aldeberkeap    Aldeberkeap   

Oldeberkoop    Oldeberkoop   

Jobbegea-Skuorregea    Jobbegea-Skuorregea   

Jubbega-Schurega    Jubbega-Schurega   

Oudehorne    Oudehorne