STOP0083_0085_20837

Bakelandt wunde in ’t bus van Houthulst. Dat bus wos wel elfhoenderd hectare groot. ’t Is moeilijk te zeggen hoevele dat er in de bende van Bakelandt woren. ’t Woren er dor in van overol: bijvoorbeeld twee van Klerken, twee van Zarren, twee, drie van een gemeente zodanig dat den een den andern niet kende in ’t olgemene. Bakelandt wos den hoofdleider. De mannen die bijvoorbeeld in Ieper wunden, wisten niet bijvoorbeeld dat ze gingen èn anslag doen in ’t Torhoutse. Enne pakte oltijd mannen mee van de streke zelve die de conducten kenden. Die bende van Bakelandt gaat worschienlik geen vereniginge geweest èn, mor ze wos meer los. ’t Wos meestal mannevolk. ’t Geloven niet dat er vrovolk mee wos. ’t Schijnt datten nooit mor één moord zoe gedon èn en toen nog uut noodzaak. Mor z’èn meer gepakt en gestolen. De boeren woren ’t meeste slachtoffer. De mannen die van die wijk woren, mosten dat hof bewaken e paar dagen, en met die mannen vielten toen dat hof an. Ze gerochten zieder meest binnen deur e kennisse die ging gon avondstoenden. En up die maniere spioneerden ze de boel of. Bakelandt wos oltijd den eersten die den anvol dei. Enne dei dat meest o de boer niet thuus wos. Den deen die gespioneerd had, ging toen voort en d’andre vielen toen later binnen. Ze mosten nieten anders èn dan geld. Z’an mor dat tekort. ’t Wos dordeure dat de boeren de meeste slachtoffers woren. Ze verdregen ol wuk dat er wos omdat ze gingen zeggen wor dat ulder geld zat. Ze verdreegden met e soorte messen. O je lansen de bane wos en j’had e verkopinge gedon, je wos je geld ofgepakt. Vroeger doste er niemand ollene met geld up zak nor Poelkapelle gon deur ’t bus. En ze vreesden ollene mor Bakelandt. Z’èn fraai lange roendgelopen. ’t E stief lange gedeurd o ze gevoenden èn dat Bakelandt de leider wos. Z’èn zieder gepakt geweest deur e moord, den enigsten datten bedreven et. ‘k Geloven dat dat wos tusschen Torhout en Brugge. Ol de kanten van Rozebeke etten vele anslagen gedon. Z’èn gestraft geweest in Brugge. ‘k Geloven wel dat Bakelandt de doodstraffe hèt et. D’andre èn toen volgens ulder bestraffinge gestraft geweest. T’èn d’er nu en toene gepakt geweest mor die niet zein dat ze werkten voor Bakelandt. Zolange dat ze zieder dat niet verklapten, kosten ze zieder niet weten dat Bakelandt de chef wos. Dat e ‘k ik ollemale horen vertellen van vader en de kameraden van vader. Volgens dat ’t schijnt, den oenderpaster e dat nog verteld, z’èn bedrogen geweest van de versterkinge die in dat huus wos. Mor uut noodzake etten toen de moord gedon. Z’èn toen vodder en vodder (verder en verder) gevoenden dat dat Bakelandt wos en de die, die meegingen, èn toen tenslotte beklapt. ‘k En nog e deel horen vertellen van de procesbundel. Dat wos schonder dan dat ’t boek wos, want ’t wos vele natureller. E keer dat ze gepakt woren, beklapte den een den andern.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Bakelandt vertoefde in het bos van Houthulst dat wel elfhonderd hectares groot was. Onder de bendeleden waren mensen uit Klerken, Zarren, enzovoort. Bakelandt wilde slechts enkele mensen per gemeente om ervoor te zorgen dat de bendeleden elkaar niet kenden. Wanneer Bakelandt een overval plande, nam hij altijd mensen mee die de streek goed kenden. De bende pleegde vooral diefstallen. Slechts één keer zouden de rovers in een noodgeval een moord hebben gepleegd. Meestal geraakten de rovers in een huis binnen met de hulp van iemand die bij de mensen in kwestie op bezoek ging. Meestal sloeg Bakelandt zijn slag op boerderijen waar de boer niet huis was. Mensen die iets hadden verkocht, liepen groot gevaar om onderweg naar huis door de bende van hun geld te worden beroofd. Vroeger durfde niemand met geld door het bos naar Poelkapelle gaan. De rovers werden pas opgepakt na de moord die ze pleegden tussen Torhout en Brugge. De bende van Bakelandt was vooral actief in Rozebeke. De rovers werden gestraft in Brugge. Bakelandt kreeg de doodstraf.

S. Top, Leuven, 1964

4. Historische sagen

west-vlaams (vrijbos)

35A

Vader van de informant

fabulaat

Bakelandt    Bakelandt   

Bakelandt (bende van)    Bakelandt (bende van)   

bende van Bakelandt    bende van Bakelandt   

Klerken    Klerken   

Klerken    Klerken   

Zarren    Zarren   

Houthulst    Houthulst