PKNAB0322_0323_6703 - Tovenaar kan de ratten van 'n heel huis doden

Dao kump eine rónd, met dekens, vreuger gingen ze daomèt rónd, spreien en zoë, hawwen ze die op hunne nak hé, en ouch get aan 't kallen, - en ouch mèt stóffen, want veer hebben zelfs al stóf gegoljen (gekocht) van die - , waoren ver zoë aan 't kallen, van ratten, dat veer zoëveul ratten hawwen. 'Jà', zèit er, 'heb ger, wèt (weet) ger dao neet veur get te doen?' 'Hé', zèit de vader zaliger, 'wat zou-ste daoveur doen, veur...' Nów hebben ze nog verguf (vergif) hé, vreuger huurdes-te dao neet van. Want ich weit dat ich in de stal ging, mer gein leech, dan haw ich ene stek, 's aoves, efe veur dat ver slaopen gingen, 'moos-te kijken, dao in den hook, dao goon d'rs op', zèit de vader zaliger, en dan ging ich, dónker, en ich wisj de wêg dao in dèin hook en dao tusschen die biësten, ging ich stillekes tusschendoor en dan stóng ich mèt de stek gerèid, en dan trok ee de deur open en dan leech (licht), en dan gingen ze op, mer of d'r twië of drij gelijk opgingen, dat ich ze âfsloog, en ich haw mene stek gereid, en dan bejde (sloeg) ich ze ouch âf.'Jà', zèit dèi, 'wil ich uch die ratten van 't hiël huis kepotmaken in eine kiër?' 'Kènt geer dat?' 'Jao', zèit er dów, 'dat kèn ich. Es geer dat wilt hebben', zèit er, 'zèt dao 'n bussel stru en doot den understee band los', zèit er, 'in de wei; en dan doon ich al de ratten van 't hiël huis doon ich nao die bussel stru ingoon, en steek ich ze in brand, dan zijn ze kepot.' 'Oh, wat zijn dat, wt is dat veur get?' zèit er, 'nei nei, doot mer niks', toen woor (werd) de vader bang veur dèi. Hé, 'laot dat mer stillekes', zèit er, 'dat wil ich neet.' Wel, dat zag mich dèi. 'Dat laot ich uch zien', zag er, 'dan zeet ger ze goon, en nao die bussel stru in, en ger moot ze losdoen van ónder, dat ze get uiterein (uiteen) stuijt (staat). En dao kruipen ze in. Ger steekt ze in brand en ze zijn kepot.' 'Nei nein', zèit de vader zaliger, 'dat is zoëget wie touveren, dat wil ich toch neet. Ver zullen ze toch wel kepotkrijgen', zèit er.

SINSAG 0689 - Der Rattenfänger    SINSAG 0689 - Der Rattenfänger   

Een man vertelde dat hij in zijn huis te kampen had met een rattenplaag. Daarop zei een andere: "Zal ik alle ratten in je huis eens in één keer doden?" "Kan jij dat dan?", vroeg de man. "Jazeker", antwoordde de andere, "Ik neem een bussel stro en zet die in de weide. Vervolgens lok ik alle ratten naar het stro, waarna ik de hele bussel in brand steek". De man werd echter bang en zei: "Neen, dat is zoiets als toveren. We zullen de ratten zo wel wegkrijgen".

P. Knabben, Leuven, 1970

2.2 Tovenaars

limburgs (maasvallei)

O/XIII/223

memoraat

Bandopname

Opgrimbie    Opgrimbie