STOP0317_0318_21549

De wêwe Rinze, Louïse Maes, had e dochter Ria. En ’t gaat e vromens van Hooglee, z’is iegentlik van Elverdinge van geborte, dor achter vlees enne ze betaalde oltijd an die Ria en ze pakte zij die Ria bij heur hand. En up het ende dat joeng kaam ziek en ze meestern met dokteur Meulenaere, Polle Meulenaere. En omdat ze niet beterde vroegen ze nog e dokteur bij, dokteur Ghekiere van Roeselare. En dat joeng beterde niet en ze kaam van langsom deerlijker. En de dokteurs zein dat z’er mosten mee gon wandeln. De moeder wierd beschaamd dat ze zo deerlijk kaam. Z’had geen bitje vlees meer an. En de grootmoeder, Sidonie Rinze, éét er e keer e nacht bij gewacht enne ze zei tegen de moeder ’s nuchtens dat er dor etwot anders mee moste gedon zijn dat dat niet ging betern met de dokteurs. En ze dei e vromens kommen van Ardooie. En dat vromens zei, van o dat ze dor bijkaam, dat ’t niet te late wos mor dat ’t hoog tijd wos, dat ze moste d’ervoren gon dienen. En z’ééd in drie plekken weest gon dienen. En dat vromens zei dat ze ging binsten de negen dagen e keer stief ziek zijn mor dat z’er niet moste van benauwd zijn. En z’ééd etwodde e groten bol (ongeveer een grote tas) gespogen datten dokteur Ghekiere en Meulenaere versteld stoenden. Dat wos de koeke an ’t herte gespannen, zei dat vromens van Ardooie.

SINSAG 0580 - Andere Hexenkünste    SINSAG 0580 - Andere Hexenkünste   

Een vrouw uit Elverdinge die in Hooglede woonde, ging altijd vlees halen bij een boerin uit de buurt. Ze betaalde het geld altijd aan de dochter van de boerin, die ze dan een hand gaf. Na een tijdje werd die dochter echter ziek. Men liet een dokter komen, maar omdat die niet kon helpen, kwam er nog een andere dokter uit Roeselare. Het kind werd echter alsmaar magerder en genas niet. Ten einde raad liet men een vrouw uit Ardooie bij het kind komen. Die vrouw zei dat het nog niet te laat was en dat de moeder voor het meisje op bedevaart moest gaan. Het dochtertje had namelijk een hartziekte. De vrouw voorspelde ook dat de moeder binnen negen dagen erg ziek zou worden, maar spoedig weer zou genezen. De moeder deed wat haar was aangeraden. Op een dag spuwde ze een grote tas (?), waardoor de dokters versteld stonden.

S. Top, Leuven, 1964

2.1 Heksen

west-vlaams (vrijbos)

191P

fabulaat

Louïse Maes
Pol Meulenaere
Ghekiere

Ria

Hooglede    Hooglede   

Hooglede    Hooglede   

Elverdinge    Elverdinge   

Roeselare    Roeselare