MDESC0092_0093_15016 - Heks belet koe te kalven

J’adde toen oek overtied, d’eks’n waor’n nogol taomelik wel verteg’nwoordigd up de boerov’n. En ’t wos ier oek in e plekke, in e boerof - en dat moet oek ewist ê nol de kant’n van ’t Oenzeirtjesbus, ’t moet oldaor etwao gebeurd ên, datte - enne de mensch’n, ’t wos daor e koe die moste kov’n. Zo, natuurlik, ol de gebeurs en de boer’n en ol van in ’t roende, dao, goeng’n gaon elp’n voe ’t koof uut te trekk’n. En ze trokk’n, en de koe beurelde nogol stief, ze koofde nie gemakkelik. En ze kreg’n dat koof eigentlik nieje, ’t wos nog slichter of slicht kov’n: ze kreg’n ’t nie uut! Enne, ’t wos ol lange danze an trekk’n waor’n en die beeste an terg’n nateurlik - de stoll’n, dat is ol mi twee deur’n, en die over deure, d’opperste over deure wos op’n - enne ’t komt ezo en oed vromens, die nateurlik ekend wos voer en ekse, en ze lei neur armes ezo over die over deure. En zeg ze ezo,up neur gemak weg: “Ewel, mensch’n, gao ’t nie, dè, mi julder? E j’ gieder ier zuk e rooi? En oe komt datte?” En nateurlik, d’n boer verkenste ze; en e pakte ze greep, en e sloeg der achter, en e zei: “A giej lelikke rosse, me wet’n nu waodeure da ’t nie e gaot!” En d’n boer en ende lik d’r achter ezet’n. En toen ên ze dat koof uutekreg’n, z’ên ’t toen uutekreg’n, jaos, ze moe ze toen laot’n voortdoen ên. En dat vromens is nog gin indelik vele jaor’n dood, wi, nins, en ze weunde etwao an de Provensche Steenweg.

SINSAG 0580 - Andere Hexenkünste    SINSAG 0580 - Andere Hexenkünste   

Op een boerderij in Poperinge had men een koe die een kalf moest werpen. Alle boeren uit de buurt kwamen helpen, maar het kalveren verliep bijzonder moeizaam. Na een tijdje zag men een oude vrouw uit de buurt over de staldeur leunen. Die vrouw werd verdacht van hekserij. De vrouw stond daar rustig en vroeg: "Wel, lukt het niet met jullie?" De boer maakte zich kwaad en joeg de heks weg met de woorden: "Jij lelijke rosse, we weten nu wel waarom het niet lukt!" Zodra de heks weg was, kwam het kalf ter wereld.

M. Deschrijver, Gent, 1961

2.1 Heksen

west-vlaams (poperinge en omstreken)

173

fabulaat

Poperinge    Poperinge   

Poperinge    Poperinge