MDESC0085_0086_14996 - Kind door heks betoverd

Toe Marcels van de Patrieze, z’add’n zieder daor e mes’n. En z’add’n de gewunte van olle weke e brood te gev’n, d’n Zaoterdag, eni. En up e dag, up e weke, dat e paste nieje. “Ja, zein ze, me gaon dat t’naoste weke gev’n.” En da mes’n nam dat zo kwaoke. Enne, eni, in de plekke van, gauw ja, ze gieng ziej deure, en ze zei niet’n. Enne, ommekeeje, eni, binst, da kiend, gauw, Mariatje, die nog, die nu ol groot is, die nu ol getrouwd is, eni, en oek ol kienders ed, da kiend, ze kust’n zieder ol gin kant’n da kiend meester; en kiek, Marcel, ’t is pertank e grot’n vint, en geweune zien van boerewerk, ol gin kant da kiend, ze gienk uut nulder armes sprieng’n, ol olle kant’n. En metje zei, die tuz’nd meiweunde, eni, Marcel kwam tuz’nd mi de klene, zegt’n: “’k Wet’n nie wuk dat er aopert mi nuus kiend!” “Ja, zeg metje, gaot e keeje nao de paoters, en de paoters zein, ja, da kiend, da’t betoverd wos, of verzekers van ze lev’ns etwot ad adde mi d’n een of ’t anger, of eriffezeerd, da ze keeje most’n peiz’n a ze niet’n edaon en add’n. En Marvel zei, ja, up ’t laste e zei: “Ja, m’ên e keeje e brood eriffezeerd an nuus mes’n; ’t is meschien daovan.” En d’n paoter zei da ’t daovan wos. En z’ên moet’n e novene doen van neg’n daog’n, ossan gaon naor Ieper, noa ’t kerksje, eni. En toene, etwaor, z’ên toen dat mes’n ’t ene en ’t anger egev’n, en z’ên e, en die paoter ed etwao egev’n, da ze most’n gev’n an dat mes’n, en etwot an dat kiend edaon. En achter neg’n daog’n dat wos over. Echt gebeurd, wi!

SINSAG 0580 - Andere Hexenkünste    SINSAG 0580 - Andere Hexenkünste   

Bij een familie uit Poperinge had men de gewoonte om de meid iedere zaterdag een brood te geven. Op een zaterdag paste het echter niet en sprak men tot de meid: "We zullen dat brood volgende week geven". Boos liep de meid weg. Sindsdien konden die mensen met hun jongste kind niets meer beginnen. De paters van Ieper stelden vast dat het kind betoverd was en raadden de ouders aan om een noveen te doen. Nadat men de noveen had gedaan en de meid het een en ander had gegeven, was het kind genezen.

M. Deschrijver, Gent, 1961

2.1 Heksen

west-vlaams (poperinge en omstreken)

153

fabulaat

Poperinge    Poperinge   

Poperinge    Poperinge