Hoofdtekst
O kik joenge stuurman woaren, aan (hadden) miender oltied leute (lol, plezier) met de grappen vo de lavers benauwd te maken. ‘k Gon eerst ’n ki uutleggen wat da de lavers zien. De vissers aan oltied dust (dorst) en oj dust èt, moej gelaafd zien. Welnu, de scheepjoengens aan oltied woater en koffie vo de vissers. Da woaren dus de lavers, lot ons zeggen de scheepjoengens. ‘k Gon ’n kir een van die grappen vertellen. Met gepast were en met ofsprake (afspraak) met de bemannieng spanden miender enige ketens en takels in de mast. Ton spraken me tegen de lavers: "Zie j’ gie benauwd van den Vliegende Hollander”? "Neen”, zeggen z’in ’t olgemeen. ’n Weddingschap? Je moest ip ’t voordeel (voordek) gon stoan en roepen drie keren achter mekoar:
"griep grap griem
èj me nog nooit gegrepen,
griep me nu”.
’t Was nateurlijk zoender lichten. En die lavers wisten nie dat die ketens dor hiengen. Achter ene ki roepen gebeurde d’er nieks. Nog ’n ki roepen… ’n kleen laweit (gerucht). En bie de derde ki wierden ol die koorden ofgesneden en ze kregen ’n lading ketens, takels, touwen, bedden ip under rugge. Je zoe’t er ’n ontrosie van ipgedoan èn (je zou er ’n ziekte van opdoen). En azo komt da, da ’n ze ’n heiligen schrik èn van den Vleigende Hollander.
"griep grap griem
èj me nog nooit gegrepen,
griep me nu”.
’t Was nateurlijk zoender lichten. En die lavers wisten nie dat die ketens dor hiengen. Achter ene ki roepen gebeurde d’er nieks. Nog ’n ki roepen… ’n kleen laweit (gerucht). En bie de derde ki wierden ol die koorden ofgesneden en ze kregen ’n lading ketens, takels, touwen, bedden ip under rugge. Je zoe’t er ’n ontrosie van ipgedoan èn (je zou er ’n ziekte van opdoen). En azo komt da, da ’n ze ’n heiligen schrik èn van den Vleigende Hollander.
Beschrijving
Op schepen werden vroeger vaak grappen uitgehaald met de scheepsjongens die de bemanning van koffie en water moesten voorzien. Toen het donker was vroeg één van de bemanningsleden aan een scheepsjongen: "Ben je bang voor de Vliegende Hollander?" Omdat de scheepsjongen zei: "Neen!", vervolgde de grapjas: "Ga dan op het voordek staan en roep: Griep, grap, griep, heb je me nog nooit gegrepen, grijp me dan nu!" De scheepsjongen deed wat hem gevraagd was, niet wetende dat de bemanningsleden kettingen in de mast van het schip hadden gehangen. Nadat de jongen de formule driemaal had uitgesproken, werden de koorden losgesneden, zodat de verschrikte jongen kettingen tegen zijn rug voelde slaan.
Bron
C. Dewaele, Leuven, 1967
Commentaar
1.4 Luchtgeesten
west-vlaams (oostkust)
213
Jeugd van de informant
memoraat
Naam Overig in Tekst
Vliegende Hollander (spookschip) 
Vliegende Hollander (spookschip) 
Naam Locatie in Tekst
Heist
Heist