JVENK0257_0257_10347 - Verdraaid hoofdje wordt weer recht gezet

As me moder vreuger nao de slechter ging dan zag ze zoe tiènge mich: "De maogs neet mèt bènneguon want die vrouw is ’n heks. Want", zag ze, "dao waas nog ins emes gewaes en dow waas ze bènnegekomme mèt het keind en ze hauw tervuer dispuut gekriègen uever e verke - ze hauw e verke geslach - en wie die vrouw dao kaam in de winkel dow hauw die get gezag… dao waas toch dispuut gekomme. Dow zag die vrouw zoe tiènge die anger die häör dat verke verkoch hauw: "Loester ins hiej, aste dat neet towguufs zulste toch vernuekd aankomme". En wie ze biej hun kaem dow steeng het keind z’ne kop het echterste väör. Den dokter gehaold, dae kos dao ouch niks aan doon. De pestoer gehaold, dae kos dao ouch niks aan doon. Dow zag de pestoer zoe: "Ja, dat keind is behekst. Ger moot die vrouw huole die dat keind z’ne kop het echterste väör haef gezat". Die vrouw ging al mörges nao de mès en wie ze duorkeem, kump die vrouw boete. Dow zag ze zoe - ich weit neet mier wie ze hèt, ich zal maar zègge "Merie-Ketrien - : "Gooie mörge, Merie-Ketrien… en honderd op enen houp, en kom toch ins bènne." "Nein, ich kom neet bènne, ich kom neet bènne." Maar tot slot van rièkening hauwe ze ze toch bènne gekriège. En wie ze dow bènne waas, de duer op slot en dow aan häör. "Aste now het keind z’ne kop neet tegooi zèts dan kumpste neet mie boete." Ja, tot slot van rièkening hauwe ze het keind z’ne kop weer tegooi gezat en dow moch ze guon.

SINSAG 0580 - Andere Hexenkünste    SINSAG 0580 - Andere Hexenkünste   

Men geloofde dat de vrouw van de slachter een heks was. Op een dag had een moeder die met haar kind in de winkel stond, ruzie gekregen met de heks. De heks had gezegd: "Als je niet toegeeft dat je verkeerd bent, dan zul je nog in de problemen komen". Toen de moeder thuiskwam, stelde ze vast dat het hoofdje van haar kind achterstevoren stond. Omdat de dokter niet kon helpen, ging de moeder te rade bij de pastoor. De volgende ochtend heeft de pastoor de heks gedwongen om het hoofd van het kind opnieuw recht te zetten.

J. Venken, Leuven, 1968

2.1 Heksen

limburgs (maasvallei)

260

memoraat

Dilsen    Dilsen