PKNAB0242_0244_6579 - Heks (Antrien) doet de molen draaien

Woë nów 't keleezjie steit, stóng vreuger 'n meulen hé, 'n wènjdmeulen, veur den iërsten oorlog. Dat waor enen Duijtser, ene Pruusch wie ze zagten, dèi dao opzaot. En mij vader dèi is dèi dèk goon helpen mèt zäk (zakken) opsteken of zoë, en ouch mèt sjirpen (aanscherpen), mij vader waor dao ene gooien in. Mer Antrien - ich zal, ich maog heure femilienaam zeker neet neumen, dao zijn d'rs in Mechelen nog teveul van dèi naam, dat brungk (brengt) meujlikheden - Antrien dat waor gein zuver, die haw de naam, dat waor wat ze neumden 'n heks. En dèi Pruusch dèi waor bezunder bijgelöüvig; in de kèrk keem er neet te veul, mer veur de res (rest)... Nów moot ich zèggen, dao waoren vreuger veul geheimzinnige zakes, en die vrouluj die gingen neet vrijuit, die kosjten dèk toch wel get spiciaals, en die lokden kènger aan en zoë van al. En Antrien die haw get tegen dèi mulder, wie of wât weit ich ouch neet. En op ene kiër waor mij vader de mulder aan 't helpen mèt 't sjirpen van de meulenstein (-stenen). Du wèts wat dat is hé, meulenstein sjirpen? Dat is zoë schoënmaken hé, dao zit dan van alles tusschen van't malen hé, en dan mooten ze die geregeld schoënmaken, mèt zoë 'n spiciale... beitel zoëget, hawwen ze daoveur. En mij vader waor dao ene gooien aan. En dat degen ze gewuunlik zoë good as geine wènjd. En opins (plots) begint die meulen te schuddelen en te kraken, en zoë hel (hard) te dräjen (draaien), dat ze bang waoren dat den hiële boel mèt hun d'rbij euverhoup ging. En de mulder pakde-n 't ijzer - ze hauwen altijd e zwaor ijzer, dat ze door e gât staoken veur te stoppen - mer ee goeide-n 't door 't trappegât nao ónder. En oppe (op de) sjlâg waor alles gedoon. Mer dèi haw dat mier aan der hand g'had, versteis-te, en dat waor Antrien die dao de schuld van waor. Mer du kósj h'r neet zien dan, mer toch deeg (deed) zij 't mer.

SINSAG 0580 - Andere Hexenkünste    SINSAG 0580 - Andere Hexenkünste   

Vóór de eerste wereldoorlog was de molen in Maasmechelen eigendom van de Pruisen. Op een dag was een man de molenaar aan het helpen met het slijpen van de molensteen. Hoewel er bijna geen wind was, begon de molen plots te draaien. De heks Antrien had dat gedaan.

P. Knabben, Leuven, 1970

2.1 Heksen

limburgs (maasvallei)

M/XVIII/118

Vóór WOI

fabulaat

Bandopname

Pruisen    Pruisen   

Maasmechelen    Maasmechelen   

Maasmechelen    Maasmechelen