PKNAB0348_0348_6739 - Weerwolf: laat zich dragen

Mer wie dat weerewouf-spelen, dat waor in feite óndeug, dat waor 't meiste óndeug. Ich heb d'rs nog gekènd, nog twië, - dao heb ich nog mèt gewèrk -, die gingen weerewouf spelen, hie in de drèif, in Leut . Dat waor den dèksten tijd de groëtste kloëterij van de wèireld. Mer vreuger geloften de luj dao toch nog erger aan. Want ich weit dat eine, den auwe burgemeister van Grummie, Zjang Aerts, - dao heb-der misschien toch wel oëts van gehuurd? -PK: nei toch neet.jà jao, mer dèi is al lang doëd, dèi is doëd van ach en viërtig, dèi haw de weerewouf ins mooten dragen. Mer of dèi nów gein koeraasj (courage) haw veur zich daomèt te vechten of get, dat weit ich ouch neet. Dat waor nochtans ene minsch, dèi, dèi minsch waor, dat waor... es eine get aan der hand haw, dèi kosj het zwijgen doon. Mer dèi haw hem gehad, dów ging er erges vrijen enne... nerges gei leech (llicht), en tusschen Mechelen en Grummie stóng geinein huuske hé, wat nów ollemaol aaneingebówen is hé, en dao vloog hem in eine kiër dèi op hem tów, en ee haw hem 'n einj (eind) gedragen, mer dów hawwen de luj enen heilige schrik veur zoëget, en ze dorsjten (durfden) zich dao neet mèt... neet aan kreujen (begeven) hé, jà dan meinden ze dat ze doëd blèiven.PK: oh jao?Jà da's zeker hé, es dat, normaal waor, wie zij meinden dat 't waoren es dich misch nów op mene nak sprungs en ich bèn vijfentwintig jaor, jà dan zou ich mèt dich âfrekenen hé, mer zien wèi het sterkste waor. Mer of die dat nów neet dorsjten, weit ich ouch neet... Ich heb Zjang Aerts good gekènd, ich heb dèi z'n jónges nog liëren deersen (dorsen). Mer owië es-te het tedoon krèigs mèt ein die de naam haw. Dan kosj-te al dènken dat-ste veroordeild waors. En die (= familie) hawwen daonao hé, oh, hawwen die, die degen (deden) êlker jaor, degen die nów (nieuwe) värkes masten (vetmesten). En es ze die värkes bekans vèt hawwen, gingen ze hun kepot.

SINSAG 0801 - Werwolf lässt sich tragen.    SINSAG 0801 - Werwolf lässt sich tragen.   

Twee mannen gingen in de dreef in Leut voor weerwolf spelen. Zjang A., de oude burgemeester van Opgrimbie, had de weerwolf eens moeten dragen toen hij zijn vriendin in Maasmechelen ging opzoeken.

P. Knabben, Leuven, 1970

1.6 Weerwolven

limburgs (maasvallei)

O/XV/251

fabulaat

Bandopname

Zjang A.    Zjang A.   

Opgrimbie    Opgrimbie   

Opgrimbie    Opgrimbie   

Maasmechelen    Maasmechelen