ACORN0118_0119_12069 - Heks betovert zegsvrouw

‘k gon ik joen ekir entwa vertellen en dat is d’echte woareid. ‘k Giengen ’s aves no me bedde en ‘k gon nie liegen wan ‘k zien gin leugenoare. Lik of dan’k no me bedde giengen, ja ‘k sliepen nateurlik boven ee, ‘k aan ton al e kiend of viere of vüve ê me vint was in zèè, ‘k gon ik i me bedde en ‘k voelden entwadde a me voeten ... e müs, ’t is nie voe te lachen dank ’t zeggen wi! ‘k Spriengen üt me bedde, ‘k zien die müs der üt spriengen. Je zoe dikkels zeggen je zoek ’t üt, ’t is gin woa wi, en ‘k zagen em üt spriengen en ‘k gon were i me bedde. En ‘k woaren nog mo rooi i me bedde je zaat were a me voeten. ‘k Spriengen were üt me bedde en ‘k zitten doar èèst e kartje te klappen, zo me vint awas in zèè, ja med e dèèl klèène joengers. ‘k Zeggen: “’t Is aal goed onk ik ier gèèl de nacht zitten.” ‘k Zeggen: ‘k Gon were i me bedde”. En onk i me bedde liggen je lopt over men oanzichte. ’s Anderdags ‘k gienk kik no ’t kapelletje. En ze zeggen o je da tegenkomt da je da tegen niemand mag zeggen. Zo kommen kik thüs en onk ik al e bitje thüs zien, mien gebeur van ier neves, ze zegt: “Mille, oe is’t nog?” ‘k Zeggen: “’kweten ’t nie, ‘k sien ferme goed, tienk mien dank ferme verbeterd zien.” ‘k Mochten da nie gezeid ên, ze zeggen da je da moe zwiegen. Zo ‘k sien ik were verslicht en verslicht en ‘k sienk ik nie mi gebeterd, dan’k toch ook betoverd woaren.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

Een vissersvrouw wiens man op zee was, kroop 's avonds alleen in haar bed en voelde een muis aan haar tenen. De vrouw stond op en zag de muis over de vloer lopen. Toen de vrouw even later terug in haar bed ging liggen, voelde ze de muis weer aan haar voeten. De vrouw stond opnieuw op. Wanneer ze voor de derde keer in bed was gekropen, voelde ze de muuis over haar gezicht lopen. De volgende dag ging de vrouw naar het kapelletje. Ze vertelde aan niemand wat haar probleem was, want anders zou er ongeluk van komen, zo geloofde men. Sindsdien is de gezondheidstoestand van de vrouw alsmaar verslechterd. Daardoor geloofde de vrouw dat ze betoverd was.

A. Cornelis, Gent, 1958

2.1 Heksen

west-vlaams (kust)

46

memoraat

Heist-aan-Zee    Heist-aan-Zee