PKNAB0641_0642_7169 - Heks zet kind luizen

X: (En gij Marie, vertel dat’s wat gij met die heks aan d’r hand gehad hebt!) Ich heb winkel gehauwen, en dao waor ’n vrouw in Wezent en die, zagten ze, dat waor ouch ’n heks. "Wees dao v’rzichtig mèt!" En ich haw ene jóng, zoëgroët (gebaar) -(tot L/XXIV) ich heb ’t uch nog vertèld, dees aovenden van die biëskes allemaol - en dat waor ene jóng, zoë groët, en dèi waor op de straot gewèis, en dèi kaom langs die vrouw, en die stóng op de winkel, mer ich kós neet… die vrouw neet terughauwen hé, ich haw winkel, ich mósj eederein óntvangen hé, enne toen waor die vrouw uitgegangen en ich haw ’n wèrkvrouw nog bij mich, veur te wèrken ’s zaoterdigs, en toen zèg ich zoë, ze zaot neven mich: "Maar nów kijk ins", dat gezich en alles waor vol van die klein biëskes, zoe wie… wie… heiten ze, bekans wie luus (luizen) die ze op hunne kop hebben zoë jà, wat ’t waoren weit ich ouch neet. Enne … toen zèg ich zoë: "Mer nów kijk ins hie wie dèi jóng vol … biëskes zit." En toen… goejt gauw… zèt gauw achter ’n kuip, zèg ich, en dao doeg (doe) dao get wärm water in en kaud water en toen heb ich ‘m gewassen en dat, van boven, dat waor stijfvol van de biësten. Want (tot L/XXIV) ich heb ’t uch hie nog vertèld hé, dat (zodat) ’t gein leuges zijn. En dat waor ’n vrouw uit Wezent, mer wie die hèdde (heette) dat weit ich ouch neet… Jao die kaom broëd koupen, bij ós op de winkel, veer waoren bäkker hé. En veer zagten altijd "zeet veurzichtig veur die vrouw." En es die bij de kènger waor geweis, dan waor ’t vèirdig geweis…PK: En gingen ze dèk ouch neet nao de paters dan, veur te euverlezen?

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

In Wezent woonde een vrouw die ervan verdacht werd een heks te zijn. Nadat de zoon van de eigenares van de winkel bij de heks was geweest, zat hij vol luizen.

P. Knabben, Leuven, 1970

2.1 Heksen

limburgs (maasvallei)

R/XI/652

memoraat

Bandopname

Rekem    Rekem   

Wezent    Wezent