PKNAB0428_0429_6847 - Weerwolf liet zich dragen (Meers)

Nów gaon ich uch dat vertèllen, van dèi vader van dèi Wullem woëvan ich uch daozjus vertèlde. Dèi vader waor van Meers, ja. En dèi, haw ouch ene kameraod, op 'Bij den Alfen' in Stein, dat waor 't kestiël van Stein, woë nów paters opzitten. Zeet ger dao noëts gewèis?PK: Jao, toch wâl.Jà, dów waor er dèi gaon bezeuken, en dao waor ouch, ene kameraod van hem, zal ich zèggen, dèi ging weerwouf spelen met hem. Ee trok zich ouch zoë e vel aan hé, en ee zat zich achter in 'n wei, in dèin tijd stóngen veul wilgen hé, willegen, en toen kump Zjengske Smèits, zoë hèdde dèi, hé, dèi kump âf en ee op hem. Mer dèi haw mer gedach van zich 'n hónderd mèiter of e paar hónderd mèiter te laoten dragen hé, mer dèi Smèits, ... es ich dich mer ins heb tot bij Wieneke aan de put - dao waor enen open put, vreuger (...) - en toen zag er zoë en zoë! 'Es ich dich mer ins heb tot bij Wieneke aan de put, dao, dan verzuip ich dich', zag er. Me dèi haw mer gedach van zich 'n hónderd mèiter, mer dèi haw hem misschien vijfhónderd mèiter laten dragen. Wie ze op ene mèiter of vijf van de put âfwaoren, spróng er d'r vanâf en op hand en voot - kijk dèi waor dao good bekènd, woar zjus zoë 'n opening nao die wei in - spróng er van hem âf, en ee eweg. Ja, en 's anderendaags wisj hiël 't dörp: Zjenske Smèits hèit de weerewouf mooten dragen. Kun-der dènken hé!

Zjengske ging een vriend opzoeken in het kasteel in Stein, dat 'Bij den Alfen' werd genoemd. Op de terugweg werd Zjengske besprongen door een vriend van hem, die zich als weerwolf had verkleed. Die vriend had zich maar honderd meter willen laten dragen, maar Zjengske dacht daar anders over en sprak: "Nu ik je dan toch eens bij me heb, nu zal ik je doen verdrinken in de waterput bij Wieneke!" Enkele meters vóór de waterput kon de vriend nog net van Zjengskes rug springen. De volgende dag wist iedereen dat Zjengske de weerwolf had moeten dragen.

P. Knabben, Leuven, 1970

1.6 Weerwolven

limburgs (maasvallei)

K/XVI/352

fabulaat

Bandopname

Zjengske
Wieneke

Bij den Alfen (kasteel in Stein)    Bij den Alfen (kasteel in Stein)   

Kotem    Kotem   

Stein    Stein