STOP0215_0215_21178

’t Wos hier zo e vrouwpersoon, Liete Krul, die hier nog aardig gezien wos en dat de menschen zein: "’t Is èn hekse!" En vader ging nor ’t schole en binst de schole, de speeltijd, de joengens makten geren muzen met ulder zakneusdoek. En ’t wos dor e joengen van die hekse die zei tegen d’ander joengens: "Ho! Kuj gieder mor zukke muzen maken? ‘k Gon ik e keer t’achternoene muzen maken", zeiten. En j’hadde dor e bollige kleite mee in zijn zakken en binst de schole, ’t wos hier in dien tijd mor ene schoolmeester voor de leerlingen, zo ze kregen nog e bitje vrij spel. En binst dat z’e bitje vrij spel hadden, je pakte dat bollige kleite en je rolde dat in rolliges de langde (lengte) van ’t muzeke en je pakte zijn hand en je sloeg dortegen en ’t woren ol muzen die roendliepen in de klasse. En in d’hoeken van de klasse ’t woren dor roosters. En den oenderwijzer ging achter den oenderpaster en je nam den burstel uut de schole en je vaagde ol die muzen in die luchtroosters. En je zei tegen die joengen: "Ga gij nu mor nor huus, je moet gij nor schole niet meer kommen. Je zijt gij genoeg geleerd."

SINSAG 0581 - Hexe macht Mäuse    SINSAG 0581 - Hexe macht Mäuse   

In Westrozebeke woonde een vrouw over wie men vertelde dat ze een heks was. Op school waren er enkele kinderen die tijdens de speeltijd muizen toverden uit hun zakdoek. Toen de zoon van de toveres dat zag, zei hij: "Kan jij niet beter dan dat? Ik zal na de middag eens muizen maken!" Tijdens de middagspeeltijd rolde die jongen stukjes klei in de vorm van muisjes. Toen hij met zijn hand tegen de bolletjes sloeg, veranderden ze allemaal in muisjes. De meester ging de onderpastoor halen en veegde de dieren in de luchtroosters in de hoeken van de klas. Daarna sprak hij tot de jongen: "Jij hoeft niet meer naar school te komen, want je kent al genoeg!"

S. Top, Leuven, 1964

2.1 Heksen

west-vlaams (vrijbos)

115A

Vader van de informant

fabulaat

Liete Krul    Liete Krul   

Westrozebeke    Westrozebeke   

Westrozebeke    Westrozebeke