ACORN0087_0088_12024 - De Toverheks en het kindje

’t Was ekir ’n oed wüvetje en ter was ie doar e mêns doar azo ook in e boerenüs. En olle joaren osse zie e kienetje kochtede, da kienetje was oaltieden ütgemergeld. En z’aad ter ol wel e stik of viere of vüve gekocht en oal gin avaance, da kiend o’dat e dag of achte leefdede, da was ütgemergeld da ta stierf.Mo nu op e zekere kèè, ze go no de paster en ze leg zie dadde ütèèn. En de paster zeg: “Lüstert, ‘k go j’ier e bottel gewied woater geven. E je gie niemand” zegten “die in joen üs komt?” “Jaa’k”, zeg ze, “”k ên ik doar aalsan ’n oede vrouwe,” zeg se “die bie mien komt” zeg se “olle dagen, en ze pak zie al eki da kiendje vast en ol. Enne ja... mo ‘k peizen nie...”“Lüstert” zegten “doe ’t gèène dan’k ik zeggen. Makt ’n goe vier” zegten “’n goe vier - en vroeger joaren da woaren oal open êerden en ze zaten ton doa dichte, dichte bie - en o je ziet ... schüf mor e bitje bie, moe je zeggen, da je warm êt. Zo osse ton goed der bie zit” zegten “je moe ton ’n ard, ard vier maken en stik ton eki die bottel wiewoater oender eur stoel. En je moe mo van faier op geven” zegten “goed, goed, goed,” zegten “da se ’t nie kant ütoeden, da’se moet achterüt schüven. Je god eur vast ên.” Nu da’s goed. ’s Naves ze kom sie were: Ei me dusje alier en me dusjen adoar en me dusjen agunter. Wê ’t is toch zo koed”. “Zet je bitje, ‘k gon e goe viertje maken”. Nu ze zet zie eur bie. Oe dichter dasse zit, ze zet die bottel oender de stoel: “Zet je mor e bitje goed” tegen eur.Nu ze begint van faier op te geven van ’t voaderland weg, da se’t nie mi kant ütoeden. Ze wil zie opstoan van die stoel en achterüt goan en da gieng nie mi. En ze feierde nog mèèr op, ze zaag’t da ...“Osjeblief” zeg se “doe da van oender me stoel”.“Ai gie moordenoare” zeg se “j’ê gie dat azo gedoan oal va me drieë, vier kienders azo te vermoorden” zeg se “ier go je zeggen” zeg se “wat da je ütstikt met die kienders” zeg se “ier moe je’t zeggen, je moe’t zeggen”.“Go no me kasse” zeg se “en in ’t schof” zeg se “ligt er e kienetje, die vul vul mi spellen zit. En trekt oal die spellen üt” zeg ze “je kienetje go genezen zien.”En da mêns an ’t lopende gegoan nor eur üs, oal die spellen ütgetrokken en ’t kienetje was genezen. En da was zie, die die kienders zoe tempteerdede.

SINSAG 0531 - Peinhexe quält einen Menschen mit einer Puppe, in welche sie Nadeln steckt.    SINSAG 0531 - Peinhexe quält einen Menschen mit einer Puppe, in welche sie Nadeln steckt.   

Een boerin had veel ongeluk met haar kinderen. Wel vier of vijf keer na elkaar zag het pasgeboren kind er uitgemergeld uit en stierf het na ongeveer acht dagen. Uiteindelijk ging de boerin te rade bij een geestelijke, van wie ze een pot wijwater kreeg. De geestelijke sprak tot de vrouw: "Als er nog eens een oud vrouwtje uit de buurt langskomt, dan moet je haar vragen om bij het vuur te gaan zitten. Je moet het wijwater dan onder haar stoel zetten en het vuur steeds heter stoken. De heks zal dan niet kunnen opstaan." Alles gebeurde zoals de geestelijke het had voorspeld. Toen de heks het niet meer kon uithouden bij het vuur, riep ze wanhopig: "Alsjeblieft, haal dat onder mijn stoel uit!" Daarop sprak de boerin: "Jij moordenares, zeg nu maar eens wat je met mijn vier kinderen hebt uitgestoken!" De heks antwoordde: "Ga naar mijn kast. Je zal er een poppetje vinden, dat vol spelden steekt. Als je de spelden er hebt uitgehaald, dan zal je kindje genezen". Zo was het ook.

A. Cornelis, Gent, 1958

2.1 Heksen

west-vlaams (kust)

1

fabulaat

Oostende    Oostende