ACORN0121_0122_12073 - Ijslandvaarder vliegt naar huis in een "ollen bak"

‘k En nog oren vertellen ook, ook van ’n oede visscher onk ik e joengesje woaren, osdan ze op Iesland ... daan ze zeggen. Ook Niepoordenoars, die mê Dünkerkenoars voarden ook achter e dèèl kabljouw.Enne da was èèn die soe gèren aa thüs gewist ên, voer e kermesse in Nieuwpoort. En zegten: “Godverdikke Bolle, ’t is kermesse in Nieupoort awo, vandagge, ‘k zoe wille thüs zien.”“Ja” zegt den anderen, “zoe je willen thüs zien, ewê da’s e klèène moeite.”“Ja oe goa da, zegten, oe zoe je gie...?”“Ewê, moe je thüs zien?”“Jaa’k”, zegten.“Gouw”.En da was ’n olle bak. ’n Olle bak, ênk oren vertellen, vroeger joaren, was zoeie bak woa dan ze gefrüte vis in lein. En zegten: “Zi, den ollen bak,” zegten, “en stamt ter in, o je go nog thüs zien tegen da’t twoalve is”.“Lo me goan” zegten “stap gie der in”.“Ni, nèèn” zegten go gie mo, ’t is gie die wil thüs zien.”“Ewê, zegten, ‘k gon der in.”Ewêl, j’is ie doar in gegoan en je was ie thüs, mo j’is nie mi weregekèèrd, j’is nie willen werekèèren. En osten in Nieupoort was, j’is ie doa in Nieupoort gebleven.En den anderèèn die jem doar azo verzonden aad, j’is ook veroenglukt. Da was èèn van de matrozen die me da verteld êt, Tjeppen Verburg. ‘k Was ikik ton nog mor e jôar of twoalve of dertiene.Da mêns die ton da vertelde was ton al twejentwientig joar oed. En da was vroeger jaoren oan’ze ziender no gunter giengen. ‘k Kannen zelfs nog se name, j’èètte Tjeppen Verburg. En ze giengen zieder van Niepoort no Dünkerke en ze giengen zieder doa weg voe vüf, zes moanden nor Iesland gon visschen en ollemoale met de korre, ossan mo zagen ee.

SINSAG 0750 - Andere Zauberei.    SINSAG 0750 - Andere Zauberei.   

Een Nieuwpoortse Ijslandvaarder die op zee was, wilde liever thuis zijn omdat het in Nieuwpoort kermis was. Daarop sprak één van de andere vissers: "Als je wil thuis zijn, dan is dat geen enkel probleem! Ga in deze holle bak zitten, en je zal nog vóór middernacht thuis zijn". De man ging in de bak zitten en was inderdaad snel in Nieuwpoort. Hij is echter nooit meer teruggekeerd. De visser die de man had weggestuurd, is kort daarop verongelukt.

A. Cornelis, Gent, 1958

2.2 Tovenaars

west-vlaams (kust)

50

Kindertijd van de informant

fabulaat

(1) holle bak: grote houten schotel, die op de eettafel wordt geplaatst.

Ijslandvaarder    Ijslandvaarder   

Oostende    Oostende   

Nieuwpoort    Nieuwpoort   

Ijsland    Ijsland