Hoofdtekst
PK: Ich heb van eur dochter en schoenzoon gehuurd, dat geer vreuger ouch nog zoe e geval aan der hand gehad had mèt heksen.Jà, wie dat zjus gegangen is weit ich neet mier, dat is zoelang geleejen.PK: ah, jao, mer … geer zult dat toch nog zoeget weiten hé, en daomèt…)Jà, dat hèit get gekregen en toen zijn ver op beivaart mooten goon. Jà, maar jà, of dat nów daovan waor, allewijl gelöüven ze dat toch neet mier. Veer zijn toen nao den heilige Vincentius nao Wijck gewèis.PK: ah, nao den heilige Vincentius?Dao zijn veer op beivaart gewèis, jao. Mer ich zèg uch, wie dat, wie dat …PK: en toen waor dat verbij, wie-t-ger op beivaart zeet (zijt) gegangen?Nei, ’t is noets tegooi genèzen geworen, nein, ’t is zestien jaor geworen wie dat ’t gestorven is. Zestien jaor en eine maond, jao. Mer anders, nów huurs-te dao niks mier van hè.PK: Mer ger zagt daostrak get van ’t fivelèin, wat waor dat veur get?Het fivelèin, jà, dat is, dat is, jà ich gelöüf wel dat ’t toch nog besteit, ich weit ’t neet…PK: En wat is dat veur get eigelik?Jà, dat is, ouch ’n zeekte wat dat de kinderkes hebben hé, dat zien ze aan de vinger(s) hé, dan hebben ze, ze, mer allè, nów gelöüven ze toch aan niks mier hé…PK: En wat hebben ze dan, zweren of zoeget?Nei, nei, zoe ’n tupkes (toppekes) aan de vinger(s), en dan zijn ze altijd even lästig en even kniestig (kniezerig), die kinder, hé. Dao goon ze veur nao Grivegnée, óslievevrouw van ’t Fivelèin is dat . PK: Ah zoe! (tot man) Dao bès dich toch nog mètgewèis!?(Man: Jà, ’t daoheen dat ver zijn gewèis.)Nei nei, ’t is, van de paters van den heiligen Vincentius op ’t Hollans is dat gewèis, dao zaogs-te allemaol van die uitgemergelde kinder, zoogs-te dao. Jà, en toen, van ’t Heilig Grâf, kós-te dao e nösterke (paternosterke) koupen hé, en de krèigs get waoter hé, dat krèigs-te… jao. En veur de mieres (’t merendeel), jà, wie hèit dat, dat is al zoeveul jaoren geleejen hè. (…) Het waor zoe mèideke, e jaor of zeven gelöüf ich hè, dat Mie zaliger waor. Mer ich had dat gevóngen hé, en toen waor ich mer daomet nao de pestoer gegangen hé. Mer de pestoer raakde dat wel neet aan zónder dat er ’t zegende. (PK: Nei?) Nein. PK: dat waor hie de pestoor van Neerha…Nein, neet deze natuurlik, dat waor Zjengske (Man: Zjengske, jao)PK: jaojao, mer dèi van Neerharen dus?Jàjao, dèi woende hie op Hoch, en dèi zag mer dat dat neet bestónd hé, "dat bestaat niet hé, dat bestaat niet hé." Ich zèg: "Es geer mich kunt bewijzen dat dat neet besteit", zèg ich, "dan, dan is ’t van niks." Jà en toen is er nao de schaol gegangen en toen hèit er ‘m (ze) uitgehaold en toen hèit er ‘m …N/XIII: … Mer allewijl besteit dat neet mier. (tot zoon:) Lisa hèit ‘m hie-ergeschik (hier heengestuurd), euver Mie zaliger. Dat kind hèit veul âfgezeen. Hiel veul. Hé, wèi hèit dat gevèig (geveegd) g’had??PK: Jà, heb ger ’n vrouw verdach gehad, of…Jao, mer du kuns (je kunt) dat toch neet publiek zèggen. Ich goon dat ouch neet zèggen.PK: jao, mer, ich hoof dat ouch neet te weiten precies…)Jao, die is ouch al doed… Jao. Dat moot ger mètmaken hé veur dat te óndervinden hé.PK: Jao, dat moot wel….En zoe ander gevallen heb ger ouch oets gehuurd, hie in de buurt of zoe?Nei, toch neet.
SINSAG 0580 - Andere Hexenkünste 