STOP0224_0225_21206

’t Woren twee boerezeuns die nor Langemark gingen. Ze mosten zieder etwor weunen oj nor de Vuufwege gaat wor dat die beke is. ‘k Weten nit meer hoe dat die menschen noemden. Z’an zieder nor Langemark geweest en ze woren gezeid geweest dat ze mosten vroeg thuus zijn. Zo, z’an zieder nu e bitje lange weggeweest (dat ee’k ik nog goed onthoeden) en o z’in de middel van ’t bus kommen, ze zagen dor lik e groten hoop lovers liggen en e peerd is dorvan benauwd enee? En dat peerd, o tit (het) dien hoop dor zag, wilde niet meer voortgon datten ol dei wuk datten wilde, dat peerd wilde niet meer vooruut. En zijn broere zegt: "’k Gon ik e keer ofspringen en e keer kijken wuk dat dat is." Zo je sproeng of en je ging in dien hoop lovers gons chippen mor ’t lag dor nu e vint in, die vermord wos. Zo van mit datten hij dat zei, de rovers sproengen uut ’t bus en dien andern had nog de tijd om zijn peerd overzijds te snakken en were te keren nor Langemark. En den andern wos gepakt. Ze sleurden hem mee nor ’t bus met peerd en ol in e kleen hoeten kotje met e tralievijnster en e deure die goed sloot. Zo dat wos bewakt van oede lelijke wuven, stond er in dien boek, en ze mosten zieder nieten anders één dan geld en ze wilden zieder één van die joengen datten zei wor dat ’t geld van zijn vader zat. Zo ze lieten hem nateurlik niet gon. En z’één hem ten enden nateurlik vermoord. De boerinne is dood van verdriet.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Twee boerenzonen die terugkwamen van Langemark, kwamen door het Vrijbos naar huis. Toen één van de paarden een hoop bladeren op de weg zag liggen, wilde het dier niet meer voort, waardoor de man moest afstijgen. De man schopte tegen de bladeren en ontdekte het lijk van een vermoorde man. Het volgende ogenblik sprongen er rovers uit het bos, die de man vastgrepen en meevoerden. De andere man sloeg op de vlucht met zijn paard. De gijzelaar werd opgesloten en bewaakt door oude lelijke vrouwen. De rovers vroegen losgeld in ruil voor de vrijlating van de man. Uiteindelijk hebben ze hun gijzelaar echter toch vermoord. De moeder van de man is gestorven van verdriet.

S. Top, Leuven, 1964

4. Historische sagen

west-vlaams (vrijbos)

122A

fabulaat

Bakelandt    Bakelandt   

Bakelandt (bende van)    Bakelandt (bende van)   

bende van Bakelandt    bende van Bakelandt   

Westrozebeke    Westrozebeke   

Langemark    Langemark   

Vrijbos    Vrijbos