STOP0021_0022_20682
Een sage (mondeling), 1964
Hoofdtekst
Weet je hoeverre da’k ik wunde van ’t Vrijbus? Niet meer dan hoenderdviftig meter. O de wind in de westen zat, waaiden de blaten in uze kave. ’t Vrijbus wos elfduusd hectaren. Poelkapelle, Langemark, Houthulst, Staân (Staden) en e heel ende van Rozebeke (Westrozebeke). ‘k En ik ’t boek hèt van Bakelandt. ‘k An de okkage (gelegenheid) te Staân van die boeksches te kopen an e frank ’t stik. Ze verkochten dat achter de messe. Die boeksches woren mor e goê vinger dikke. Dat is lange geleên wè!" Mor God van hemel, dat is ol zo lange! ‘k Weten nog wel o ‘k ik nor ’t schole ging, dat ‘k ik dor horen van vertellen èn. ‘k En dorvan zovele van vergeten. Up de kassie van Rozebeke nor de Vuufwege (Vijfwegen) wund’er e boer, Mispelaere, dor wor dat Blommes nu weunen. De boer die dor wunde wos gekend van geld t’èn en van an zijn geld ’t hoeden. De bandieten lein dor e vier an en die boer moste dor zitten met zijn voeten bij ’t vier. Ozo woren zijn voeten verbrand. En toen zeiten wor dat zijn geld zat. Ja mor ja, dat wos luzig volk (bandietenvolk) wè!" O z’hoenderdduusd frank an, wos dat indelik (heel) vele. Dat wos toen vele geld. T’nolle kanten (overal) zaten ze. ’t Stoen dor huziges van plak en stak up de kant van Kapelle (Poelkapelle), Houthulst en Staân. Mor o ’t er dor bandieten wunden dat wete ‘k ik niet. Ze gingen ziede verre wè! Z’an ulder vergoringen in ’t bus en ze zein dor wor dat er geld was. Ze verheurden ulder ook bij de boeren. Ze woren olleszins met tien man. Ze gingen nievers (nergens) binnenbreken zoender de orders van Bakelandt. Bakelandt wos ulder chef. Dat wos e geslepen (sluw) wè! Aj gij potverdimme! Bakelandt e zelve ook moorden gedon. Mor bajon (natuurlijk). Enne gaf hij d’orders. Zieder wisten met hoevele man dat ze mosten zijn om te plunderen. Dat wos ol geregleerd en ze trokken zieder toen dor nortoe. ’t Woren echte deugnieten, tomme!
Onderwerp
SINSAG 1320 - Andere Räubergeschichten. 
SINSAG 1320 - Andere Räubergeschichten. 
Beschrijving
Een man woonde op zo'n honderdvijftig meter van het Vrijbos. Het bos was elfduizend hectaren groot. Een gedeelte van het bos behoorde bij Poelkapelle, een ander deel bij Langemark, Houthulst, Staden en Westrozebeke. De man kocht na afloop van de mis voor één frank een boek waarin de lotgevallen van Bakelandt beschreven stonden.
Tussen Rozebeke en Vijfwegen woonde een boer over wie men wist dat hij veel geld bezat. Op zekere dag kreeg die boer bezoek van de bende van Bakelandt. De rovers staken de voeten van de boer in het vuur en dwongen hem om te vertellen waar zijn geld verborgen lag. De rovers hielden zich schuil in het Vrijbos. Bakelandt was de leider van de bende, die zelf ook moorden pleegde.
Bron
S. Top, Leuven, 1964