STOP0343_0343_21617

’t Is ol dertig jor geleên. ‘k An e nichte die e kind up heur ormes hadde. ’t Komt dor e leurderke binnen enne lei zijn had up dat kinneke enne zei: "Wuk e schoon kinneke." En ’s anderndaags wos dat kind ziek. En z’één dokteur haald. En den dokteur zei achter e dag of achte dat er geen doen meer an wos. ’t Koste niet meer genezen. En z’an dor e gebeurvrouwe, Sofietje. "Je moet dormee nor de paters gon om dat of te lezen", zei ze. Z’één dat kind in e wullene neusdoek gedraaid en ’s nuchtens te vieren zijn ze nor Roeselare gegon ol de binnenweugen omdat ’t niemand hadde gezien. Dat moste ol bedekt gon. En o ze dor kwamen, z’één dor e pater gevraagd en den deen ee dat kind belezen. En ze zijn zieder were thuus gerocht met dat kind. En korts nadien is den dokteur gekommen en hij bleef kijken nor dat kind en van dat kind nor de moeder en hij zegt: "Wuk is er hier gebeurd?" En de moeder zegt: "Niet!" "’t Is hier iets gebeurd", zegten. En de moeder zegt neen. "Ewel", zegten, "je kind is genezen." En ’t wos genezen. ’t Is in de familie gebeurd en ze leven nog. ‘k Wilde ze dorvoor niet namen.

SINSAG 0580 - Andere Hexenkünste    SINSAG 0580 - Andere Hexenkünste   

Een moeder die een kind op haar arm droeg, maakte de deur open voor een leurster. De leurster raakte het kind aan en zei: "Wat een mooi kind!" De volgende dag was het kind ziek en moest men een dokter laten komen. De dokter zei dat het kind niet meer kon genezen. Van een buurvrouw kregen de mensen de raad om het kind door de paters te laten overlezen. De volgende ochtend wikkelde men het kind in een wollen halsdoek en droeg het naar Roeselare. Daar aangekomen liet men het kind door een pater overlezen. Toen men met het kind thuiskwam, kon de dokter zijn ogen niet geloven: het kind was genezen.

S. Top, Leuven, 1964

2.1 Heksen

west-vlaams (vrijbos)

204P

Omstreeks 1934

fabulaat

Oostnieuwkerke    Oostnieuwkerke