JVENK0265_0266_10370 - Kind sterft door de kwade hand

Ziej waas weggewaes en dow kump ze trök en dow zaet ze zoê: "Höbs dich het keind laote bueke?" tiènge dat maesje. "Maa nein", zaet ze, "ich höb het hiel werk geduon." En ton zag ze wae allemaol dao waas gewaes. "Och", zag de vrouw, "dan hoof ich neet te vraoge waat het is.""Maa", zaet ze, "dao moot ger toch neet aan geluive." "De koms mich zègge waatste wils" zag ze. En het is mèt ze 5 jaor gestorven en het wis nog väöl mie as mènige van in de 20 jaor. En ton ene kiêr, de vader dae waas örges naotow gegange en dae mins dae leet hem zien in enen ieker water welke vrouw het geduon hauw. Iè wol het teikene, dow goeide iè gauw het water om. "Maak dich neet ongelökkig" zaet er. En zoe ene daag mooste ze ’n mès geduon höbbe woe het keind in waor. En vreuger waas alles tevoot. Wie ze in de kèrk kome waas het al hauve tiëd en dow hauw er het hiel gezich kepot gekretst. En dat mote hiel gooi geiselike ziën, anges konne ze het nog neet ins. En dow zag eine: "Zèt hem maar op de grond". Dow hauwe de paters mote kopplekskes (kopdoekjes) koupe vuer het gezicht te bedèkke waat hiel kepotgekrab waor. En wie het geduon waas: "Pak mich maar moder, now doon ich niks mier". Ton e tiedsje daonao, het zag maar dat het wegging: "Ich gaon toch weg en ich kom noets mier trök". En ze wiste neet waat het waas. En: "Gaot ins kieken of de vader neet kump". Dae moos van ’n reis trökkomme. En in dat er bènnekaam, het waas zjus of er oet de erm in die vloeg, en weg waas het. Dat is van biej mie moeder in het hoes. Dat weit ich nog dat ze mich dat vertèld haef.

SINSAG 0580 - Andere Hexenkünste    SINSAG 0580 - Andere Hexenkünste   

Een kind was op vijfjarige leeftijd gestorven door toedoen van de kwade hand. Iemand toonde de vader in een emmer water het gezicht van de heks die voor het onheil verantwoordelijk was.

J. Venken, Leuven, 1968

2.1 Heksen

limburgs (maasvallei)

272

fabulaat

Molenveld (Stokkem)    Molenveld (Stokkem)