STOP0119_0120_20945

’t E dor e keer etwot gebeurd an de Canadien (Canadees monument te Langemark). ’t Stoend dor e kortwunstje (een alleenstaand huisje) en dat huzige had de name van ’t kloppertje. En dat wos e vint die in dat huzige gewund hadde en die dood wos mor die werekeerde, zein ze. En ’t doste dor niemand meer in wunnen in dat huzige want z’hoorden dor oltijd kloppen. En ze zein dat dat die vint wos die weregekeerd wos. En die vint zijn name wos Peejge Lecointre, die dat dei weggon. En Peejge en de paster gingen toen om dat te verjagen. En de paster ging dor enee en Peejge droeg e notelarenstok. En ze woren nogol an tijden an. En de paster zei: "Me gon zere nog e partij kaarten." En o ’t twolve wos, de voordeur eed opengesproengen en ’t stoend dor e lelijke vint met zijn ormes open. En de paster, enne zag dat, enne wos benauwd enne viel van zezelven. En Peejge e dat verjogen dat je niet meer hoorde kloppen in dat huis, mor ne koste dat niet heel wegkrijgen. ’t Stoend dor e kot bachten ’t huus en die kloppinge wos toen in dat kot. Z’èn dat huzige toen moeten oftrekken. Mijn moeders zuster e dor nog in gewund. Dat is wor wè!

SINSAG 0456 - Der Poltergeist im Hause    SINSAG 0456 - Der Poltergeist im Hause   

Bij de Canadien stond een afgelegen huis dat 'het kloppertje' werd genoemd. De vroegere bewoner van dat huis was namelijk teruggekeerd in de gedaante van een klopgeest. Op een nacht ging de pastoor samen met een man die een notelarenstok bij zich droeg, in het huis zitten om de geest te verjagen. Om middernacht ging de deur open en verscheen er een lelijke man met zijn armen open. De pastoor viel flauw van angst. De andere man heeft de klopgeest dan uit het huis gejaagd. Het geklop verdween echter nooit helemaal. Toen men het geklop niet meer in het huis hoorde, was het verplaatst naar een klein hok achter het huis.

S. Top, Leuven, 1964

1.4 Luchtgeesten

west-vlaams (vrijbos)

61L

fabulaat

Canadien: Canadees monument in Langemark (gehucht Sint-Juliaan)

Canadien (Langemark)    Canadien (Langemark)   

Merkem    Merkem   

Sint-Juliaan (Langemark)    Sint-Juliaan (Langemark)