ACORN0088_0089_12025 - De Kapiteinsvrouw die een Heks was

Da was twi kaptingsvrouwen, eèn doavan was kappetingsvrouwe en ’t was doa ton nog èèn bie, e vriendinne zeker van eur ee. Enne ze zein: “M’on ekir e farce bakken”. Under man mos no zèè, eur man was kapting en “zi” zeg se “op die eure moe da schip gon voaren”.Mo nu in den antervol z’aan zieder nateurlik matrozen aan boord ewo en die matroze mos nu e commische gon doen no die kaptingsvrouwe. Mo j’oorded’ie dat er doa nog ’n andere vrouwe was en daan ze bezig woaren nateurlik mi te spreken doarover ee. “Si” zeg ze “mo goan binst de nacht” zeg ze “me goan ze doen verdwienen”, azoo glik of daan ze zein, m’on ze doen van kant maken zeker ee? Ei ja ‘k weten ’t ik ook nie. Nu je lüstert ie dadda ollemoale of en osten ’t ollemoale ofgelüsterd êt, je god ie were vors en je komt ie ... En de kapting zegt: Mo je moe zo loate an boord zien”. “Ja” zegten “lüstert eki kapting” zegten “mo ‘k vragen èèn diengen, dien dag en die eure wil’k op den brugge stoan”.“Ja” zegt’n “jaa woavoren?”“Ewei je go da ton neffenaan zien” zegten “mo dien dag en die eure wil’k op den brug stoan”.Mo j’aad ie nateurlik no de paster gewist en da voor oog geleid dat’n dat ollemoale goord ade.“Ewêil”, aad paster gezeid “lüstert ekir ier: os ’t twoalve is” zegten “je go gie die boare zien afkommen” zegt’n “ê je mak gie e krüs mi wiewoater” zegten “die boare go verdwienen”.Nu dat is goed je mag ie, je mag ie op de brugge stoan van de kapting ee. Je stoad ie doa ê je ziet ie die boare ofkommen ee ê je wiedt ee, je gif ze krüs. “’t Is goed, me gon nu zien” zegten “wa dat er go van voorskommen”.En ton en ‘k nog oren zeggen, is ’t nu woa of is’t gin woa ‘k weten ’t ook niet, oan ze ziender binnenkwamen van üt zèè, euder vrouwe laag hèèl gesplêt, hèèlegans gesplêt.

SINSAG 0580 - Andere Hexenkünste    SINSAG 0580 - Andere Hexenkünste   

Een matroos moest bij de vrouw van de kapitein een boodschap gaan doen. Bij zijn aankomst hoorde de matroos de vrouw met nog enkele anderen konkelfoezen. De vrouwen zeiden: "Ik weet wanneer het schip uitvaart. We zullen ze allemaal doen verdwijnen". De matroos vertelde alles wat hij had gehoord aan de pastoor, die hem de volgende raad gaf: "Om middernacht zal je hoge golven zien aankomen. Als je dan een kruisteken met wijwater maakt, zal je de golven weer zien verdwijnen." Toen de matroos aan boord ging, eiste hij van de kapitein dat hij om middernacht op de brug zou mogen staan. Zo slaagde de matroos erin het ongeluk af te wenden. Bij hun thuiskomst stelden de zeelieden vast dat hun echtgenotes in twee waren gespleten.

A. Cornelis, Gent, 1958

2.1 Heksen

west-vlaams (kust)

2

fabulaat

Oostende    Oostende