MDESC0141_0141_15148 - Ziel verkocht aan de duivel

‘k En dat oord van me vaoder. Dat er e vint wos, en a ze ziele verkocht an d’n duvel. Maor en adde dat zodaonig beklaogd, dat ’n datte gèr’n adde were veranderd. En de priesters add’n ezeid: “E j’ van je lev’ns”, zeggen ze, “nooit gin goe werk edaon”? En e wist’ eest ossan niet. Maor ol mid e keeje, zegt’n, ’t kom in z’n zin, zegt’n: “’k En doa van ze lev’ns”, zegt’n, “daor e keeje en Oenze Vrouwe kapelletje”, zegt’n, “e kobbenet uutevaogd”, zegt’n, “’k en kost’n dat dao nie zien ang’n”. En d’n priester zei: “’t Is goed, a j’ dat edaon ed, is ’t wel; ’t gao gaon toen”. En e most iej nao de kerke gaon en o ze, ja, de priester nem bedwoenk, eneeje, d’n duvel, dat ’n dien vint vastield, en da ze olle tweeje upeft waor’n van de groend, zei vaoder. E ja, ’t e goed egaon toene. Ja, dien vint wos toene z’n antek’n, z’n antek’n van d’n duvel were egev’n, ziet, en ad iej z’n antek’n an d’n duvel ezet, dat’n iej z’n ziele verkocht an em.

SINSAG 0863 - Der Teufelsvertrag zurückgegeben.    SINSAG 0863 - Der Teufelsvertrag zurückgegeben.   

Een man die zijn ziel had verkocht aan de duivel en spijt had over die daad, ging te rade bij de pastoors. "Heb je nooit in je leven iets goeds gedaan?" vroegen de geestelijken hem. De man moest heel lang nadenken en zei dan: "Ja, ik heb ooit een net uit het kapelletje van Onze Lieve Vrouw gehaald". Daarop gingen de pastoors samen met de man naar de kerk, waar de duivel verscheen met het contract waarop de man zijn handtekening had gezet. De pastoors wisten het formulier van de duivel terug te eisen.

M. Deschrijver, Gent, 1961

3.1 Duivels

west-vlaams (poperinge en omstreken)

305

Vader van de informant

fabulaat

Onze Lieve Vrouw    Onze Lieve Vrouw   

Poperinge    Poperinge