HVANW0060_0061_20656

’t Wos ip ne Kerstnacht da kik da zelve gehoord hee, alzo roend middernacht, rond den twoalven. Me zoaten in de stikken (akkers) nie verre van den toverpit, ne viever bie Gullegem. En me hoorden uut deen pit klokkegeluw komen. Dat deurde een ende. En ton was ter een geschreeuw lik van spreeuwen. Eerst woaren der enige mor achter een ende vloog het zo dikke da je der nie meer deure zag. En ton hoorden me ziengen. En achter dat gezang hoorden me lik ne preek mo me kosten der niet van verstoan; en ’t deurde lange. En ’t wos ton olgemeen gezank en ’t geschreeuw van de veugels deurde voort. En doarachter gienk deen zank pianogewieze (zachtjesaan) of. ’t Wos ton weere lik geschreeuw van olle kanten. Ton were geluw van klokken en de veugels zweefden en met no een poar grote schetters en olles wos weg. Ik hee da zelve gehoord en gezien. Mo da gebeurt mo juste ip Kerstnacht.

SINSAG 0980 - Der Glockenpfuhl.    SINSAG 0980 - Der Glockenpfuhl.   

Op kerstnacht hoorde men omstreeks middernacht in de buurt van de toverput, een vijver in Gullegem, klokken luiden en spreeuwen schreeuwen. Er waren zoveel spreeuwen dat men haast niets meer kon zien. Daarna hoorde men gezang en vervolgens een preek waarvan men niets kon verstaan.

H. Van Wassenhove, Leuven, 1967

4. Historische sagen

west-vlaams (groot-roeselare)

152

memoraat

kerstnacht    kerstnacht   

Sint-Eloois-Winkel    Sint-Eloois-Winkel   

Gullegem    Gullegem