CJ005005

Op in kear ried de koaning troch it lân. Doe kom er by in boerespul lâns, dêr stie op 'e homeije skildere: Zonder zorg. Jonge, tocht de koaning, mei sa'n man, dy't gjin soargen kin, mat ik ris prate. Dat hy stapte yn 'e koets en roan it hiem op. De boer siet yn 'e hûs. Kenne jo gjin soargen? frege de koaning.
Né, sei de boer, soargen haw ik net.
Dan wurdt dat wol us in kear tiid, sei de koaning.
Ik sil jo trije fragen dwaen. Nije wike, dan kom ik hjir wer lâns en dan matte jo my de antwurden sizze. Jo kinne der dus in wike oer tinke. Witte jo oer in wike de antwurden net, dan kostet jo dat it leven.
Doe siet de boer raer yn 't lyts himd. Hy koe de fragen mei gjin mooglikheid biantwurdzje. Hy iet net en hy dronk net en hy krige alhiel gjin sliep.
Syn feint fornaam dat en dy frege him hwat der oan skeelde. Doe fortelde de boer him alles. Ek de fragen fan 'e koaning lei er him foar.
Doe sei de feint: Lit alles mar oan my oer. As de koaning komt, doch ik jou klean oan, en jo hâlde jo mar hwat forside.
De koaning kom op 'e fêststelde dei. De feint siet as boer forklaeid by de tafel.
De earste fraech, sei de koaning. Hwer is de midden fan 'e ierde.
Op it plak, dêr't ik sit, sei de feint. Mjit it mar ris nei.
Dat wie in goed antwurd.
Nou de twade fraech, sei de koaning. Hoefolle wetter giet der yn 'e sé?
In ammerfol, sei de feint, as men de amer mar great genôch makket.
Dat wie ek in goed antwurd. Nou de trêdde fraech, sei de koaning. Hwat tink ik optheden?
Jo tinke, dat de boer hjir foar jo sit, mar 't is de feint.
De koaning wie sa op 't skik mei dizze trije antwurden, dat hy naem de feint mei oan 't hof, dêr't er in hege baen krige. En de boer mocht it libben hâlde.

AT 0922 - The shepherd substituting for the priest answers the king's questions    AT 0922 - The shepherd substituting for the priest answers the king's questions   

ATU 0922 - The Shepherd Substituting for the Clergyman Answers the King’s Questions.    ATU 0922 - The Shepherd Substituting for the Clergyman Answers the King’s Questions.   

Boer die geen zorgen heeft, wordt door koning door drie vragen waar hij het antwoord op moet weten, in de zorgen gebracht. Zijn knecht lost het op door als de boer verkleed de raadvragen van de koning goed te beantwoorden.

Corpus Jaarsma, verslag 50, verhaal 5 (Archief Meertens Instituut)

H541.1 - Riddle propounded on pain of death.    H541.1 - Riddle propounded on pain of death.   

H696.1 - Riddle: how much water is in the sea?    H696.1 - Riddle: how much water is in the sea?   

H681.3.1 - Where is the center of the earth? Here; if you don‘t believe it, measure it yourself.    H681.3.1 - Where is the center of the earth? Here; if you don‘t believe it, measure it yourself.   

H524.1 - “What am I thinking?”    H524.1 - “What am I thinking?”   

15 juni 1966

The Shepherd Substituting for the Priest Answers the King's Questions

Zonder Zorg    Zonder Zorg   

2013-03-01 14:46:21