MDESC0126_0126_15109 - Man door lezen van toverboeken betoverd

En ’t wunde dao toen oek, rechte d’r over, e zeker’n - maor a dat eigentlik djuuste waor is, ze zegg’n ollesins da ’t waor is, mao ‘k ên ’t nem zelve nog nooit evraogd, want ’t zien dieng’n, da je ezo lik nie stief gèr’n e vraogt, ezo ossan teg’n de mensch’n, en ’t is oek ezo nog e bitje e tiep, eneeje - e zeker’n Henri Samien. En dat is e joenkied, en e werkt in Schaballies briek’nov’n, ezo, a ’t seizoen is. En iej wunde dao toen in d’n cafeej rechte d’r over, de “Lokomotief”. Enne ze moeder adde verboôn, ze wiste dat ’n zukke boek’n, maor e wilde ze nie ofgev’n an ze moeder; en z’adde verboôn van dat te lez’n. Mao e wos mi dien boek, omda ze ’t nie e goenk zien, up ’t W.C. gaon zitt’n, ziet. En e las dao dien boek. Mao binst’ndeen dat ’n bezig mi lez’n wos, kwam’n iej dao van olles van toer’n teg’n. En z’oorde’n zieder ommekeeje e lev’n, en dat wos iej die die toer’n teg’nkwam, deur ’t lez’n van dien boek. En z’ên moet’n e priester aol’n, bie da ’t schient, voe were of te lez’n, ziet, je jaos.

In Poperinge woonde een jongen die toverboeken bezat. De jongen nam de boeken altijd mee naar het toilet omdat zijn moeder niet mocht zien dat hij erin las. Terwijl de jongen in het boek las, gebeurden er echter allerlei vreemde dingen op de boerderij, zodat de moeder de pastoor moest gaan halen om de betovering ongedaan te maken.

M. Deschrijver, Gent, 1961

2.3 Toverboeken

west-vlaams (poperinge en omstreken)

266

fabulaat

Poperinge    Poperinge   

Poperinge    Poperinge