PKNAB0213_0214_6535 - Heks maakt kind ziek

Weerwouf, heksen, jao, dao waoren luj die dao get van kènden, veur uch zoëget aan der hand te doen. Zal ich uch zèggen: dao has-te nów, dao waoren vrouluj van Mechelen, die dao get van kanjen (kenden). En es-te dao neet good vrunjd (vriend) mèt waors, dat dich die get aan der hand kosjten doen jóng? Dats-te dèks dao lang mèt geplaog waors. Jao. Dao woënde-n ein hieboven, aan de ovenkuil dao achter. En, mij vader, dèi haw alle getuug (gereedschap). Alle getuug wat bestóng dat haw dèi. En die vrouw, die keem liënen, altijd mer liënen, en es de vader het mósh hebben, dan kosj er altijd 't goon holen. Jà, toen zèit er tegen mij mooder, van heur niks miër te geven. Dan hoofde er dao ouch niks miër trug te holen. Jao. Toen kaom ze weer veur 't ein of 't ander te holen, toen zèit me mooder zoë: 'Ferdinand hèit gezag ich moch niks miër liënen.' En toen reep ze kaod eweg: 'Ja, ich zal uch wel hebben!' En, wie er trugkaom, toen stóng mij mooder dao buiten mèt e kènjd (kind) op heuren ärm, en toen kaom ze weer daodoor, en ze zèt dat kiendje op heuren ärm, mer DIE haw get aan der hand g'had, die haw get g'had, die haw get aan der hand g'had mèt dat kiendje! Enne,(...)X: (En toen mèt dat kiendje dao mèt heur mooder, waor dat toen krank geworden?)Zeker waor dat toen krank geworen! Zij tópde 't mer ins efkes op z'nen ärm...PK: allè?Jaoao, neet veur 'm pijn te doon, zoë mer, op zenen ärm (gebaar), zij geit dao langs mèt e kiendje op heuren ärm, en zij kump op heur aan: 'Och dat is toch e schoën kiendje!' Jao jao. En zij haw heur hand op 'm gelag ehh... neet dat 't gestorven is, mer... toen hawwen ze get aan der hand g'had mèt dat kiendje, dat waor neet erg interessant... jao jóng... En zoë spèilde zich van alles âf. Mer, dat is nów al miër dan vijfig jaor is dat neet miër... miër as vijftig jaor, want sènjt (sinds) dat ver getrouwd zijn heb ich van zoëget niks miër gehuurd... die, dat is uitgestorven, hé, mer vreuger waor de dèngese hé.

SINSAG 0580 - Andere Hexenkünste    SINSAG 0580 - Andere Hexenkünste   

Een man was het beu dat een buurvrouw zijn gereedschap altijd kwam lenen. Wanneer de man zelf een werktuig nodig had, moest hij het immers altijd gaan halen. Toen men de volgende keer weigerde om de buurvrouw nog iets te lenen, riep ze: "Ik zal jullie nog wel krijgen!" Uit wraak behekste de vrouw het kind van die mensen.

P. Knabben, Leuven, 1970

2.1 Heksen

limburgs (maasvallei)

M/XI/73

Vader van de informant

fabulaat

Bandopname

Maasmechelen    Maasmechelen