STOP0326_0326_21572

Twee boerezuns, ’t woren twee gebroers. En ze reên uut up èn avond nor de familie. Ze gingen etwor nor Rinnegelst met ulder peerden. En o z’oender roete woren, ze zijn ol lansen ’t Vrijbus gereên. En o ze dor e zeker tijd in ’t Vrijbus woren, wilden ulder peerden niet meer weggon. En den een is dor van zijn peerd gesproengen en den andern ééd olle twee die peerden vaste hoeden. En weet je an wuk dat dat scheelde? Ze zagen dor èn hoop liggen. En den een ging gon kijken wuk dat er dor oender wos. En otten hij dor kaam en doran schartte (krabde), dat woren èn hoop lovers. En ot hij dat oenderzocht had, dien hoop, dat wos e dood lijk die doroender zat. En die gasten van Bakelandt wisten dadde dat ze dor gingen passeren. En z’één dat hoord up het hof van wor dat die gasten woren. En in de plekke van te kunnen vluchten ee den een gepakt geweest en den andern ee kunnen vluchten met de peerden. En dat wos van de mannen van Bakelandt dat ze gepakt woren omdat ze zieder wel wisten dat ze zieder dor gingen passeren. Dien een dat ze gepakt één, één z’in ’t brakschge gesteken in ’t Vrijbus. Dat wos èn oed tovereschge die dor weunde. J’ee dor gevangen gezeten. Mor wuk dat er dormee gebeurd is, ‘k kan ‘k ik niet meer zeggen. Den andern is nor huus niet gevlucht mor j’is gereên nor wor dat ze gingen gon, ol de kanten van Rinnegelst. Dat is èn andre historie dan de dee dat’k eerst verteld één wè!

SINSAG 1320 - Andere Räubergeschichten.    SINSAG 1320 - Andere Räubergeschichten.   

Twee boerenzonen reden 's avonds te paard naar Reningelst. In het Vrijbos werden de paarden plots onrustig omdat er een hoop bladeren op de weg lag. Eén van de broers steeg af en stelde vast dat er een lijk onder de bladeren lag. Het volgende ogenblik werd die man door de rovers van Bakelandt vastgegrepen en meegesleurd. De andere broer kon vluchten met de paarden. De gijzelaar werd door de rovers gevangen gehouden in een barak waar een toveres woonde.

S. Top, Leuven, 1964

4. Historische sagen

west-vlaams (vrijbos)

196H

fabulaat

Hooglede    Hooglede   

Vrijbos    Vrijbos   

Reningelst    Reningelst