JVENK0283_0284_10413 - Heks plaagt een soldaat

Dow waas ich biej de soldaote; ich höb gedeend in Leujk op de citadel. Dow vraogde ich ins ene kier vuer op nummer ein te stuon. Dao kaomste bènne op de citadel, dao staeng ’n brök, en e bitsje wujer hadste weer ’n brök. Ich vraogde vuer dao te stuon, dao kaam e maesje biej mich ’s middes van twie tot veer, daovuer waas dat.Ich staeng dao op wach en inins kump dao get vuer mich duor gevluoge, zjus get wie ene bol gries papiër. En de weind waas hiel stil. En dao kaam e geroesj vuer mich duor, dat hauwste van-ze-liève neet gezièn. Ich hauw nog neet den tiëd en aan de ieste brök dao geeng het bof om. Ich gaeng dao mèt m’n bajonèt stièken en alles aafzeuke. Mich doch dat het dao waas aafgeloupe. Dao waas niks. Ich gaeng weer trök en ich deink: "Zouste geslaope höbbe?" Ja, ich waas neet zièker. Ich stong aan me gelid, de bajonèt op het gewièr. Dow hauw ich dao e tuurke gestangen en ich dach in m’n eige: "Ich höb geslaope, en toch neet". Gein vief of tien menute daonao kaam hetzelfde weer trök onger die brök oet, ratsj vuer mich duor. Dow gaeng ich het nao. En dan gaengste ’n eindje eweg en dan drejde de wièg dao. Zjus dao stong ’n hoes, maar eint. Dao gaeng zoe e weefjke vuer mich op. Dao zaag ich ein stuon, maa ich geeng neet biej häör. Don gaeng ich trök en dae nao mich waas gewaes dae vraogden ich of er niks gezièn hauw. Ich zag dao niks van. Nieme zag niks. Dow zag er dat dao e ketje altied hauw geloupe. "Dat kruop dao buove uever het gelid" zag er. Hiej stong het gelid en dao stong stroekgewas uever en ueveral buim langs op. En eine dae dao ach daag van te vuere gestangen hauw dae dors neet mie guon. Dat waas eine van Helchtere. En achternao kaam het oët. Dow gaeng ich dae ins vraoge vuerwaat dat er dao neet mie dors stuon, he. Dow zag er mich ouch zjus hetzelfde.

SINSAG 0608 - Andere Begegnungen mit Hexentieren.    SINSAG 0608 - Andere Begegnungen mit Hexentieren.   

Een man die zijn legerdienst in de citadel van Luik deed, kreeg tussen twee en vier uur 's middags altijd bezoek van een meisje. Op een dag zag de man een grijze prop papier door de lucht vliegen, hoewel het windstil was. De man dacht al dat hij gedroomd had, tot even later hetzelfde gebeurde. Een eindje verder zag de man een oud vrouwtje bij het huis staan. Even later liep er een klein katje rond op de plaats waar de soldaat de wacht moest houden.

J. Venken, Leuven, 1968

2.1 Heksen

limburgs (maasvallei)

302

memoraat

Molenveld (Stokkem)    Molenveld (Stokkem)   

Luik    Luik