Hoofdtekst
Dat waor enen auwe mins dae mich dat vertèlde. Om dezen tied (herfst) lepe de bieste zoe ongerein uever allemans eigendom. ich heujden (hoedde) ouch mèt de keuj (koeien) - wièr hauwen auch biêste - biej daen auwe mins; En het waas zoe tièngen den aovend aan en ich zèg zoë: "Nonk, ich gaon heives"."Ja keind, ich gaon ouch heives", zaet er, "maa ich gaen nog effen ’n piëp stoppe, ich gaon nog effen ’n piëp aanmake."Maa ze hauwe vuur gestuok en iè hauw gein stekskes mier; dow ging er dao get vuur pakke. Wie er mèt z’n piëp aan dat deinge kaem, dow vloeg dat vuur oeterein (uiteen). Dat vloeg hiêl oeterein, iè kosj gei vuur kriege. Iè versjrikde zich en iè luip eweg. Dae mins haet neet lang daonao gelaef, zoe hauw er zich versjrik. Het vuur vloeg zoe oeterein en dao waor gein vonk mier te zeen. Dat waas toch ouch maar aardig, he. Aerts hètde dae. « Daen auwen Aerts », zagde de luj, « dae ging ouch z’n piëp aanmake en dae is ouch biej de vuurman oetgekomme".
Onderwerp
SINSAG 0213 - Feuermann (Irrlicht) wird um Feuer gebeten; setzt dem Frager nach
SINSAG 0213 - Feuermann (Irrlicht) wird um Feuer gebeten; setzt dem Frager nach
Beschrijving
Een man die de koeien aan het hoeden was, wilde zijn pijp aansteken aan een vuur wat verderop. Toen de man bij het vuur kwam, weken de vlammen plots uiteen. De man was zo geschrokken bij het zien van de vuurman, dat hij niet lang meer heeft geleefd.
Bron
J. Venken, Leuven, 1968
Commentaar
1.3 Vuurgeesten
limburgs (maasvallei)
56
memoraat
Naam Locatie in Tekst
Vucht
Vucht