PVAND0083_0084_26624 - Spookkat, spookhond, spookrat: kontaminatie van verschillende relikten

To m’n broers zagen ze daar amenekeer een grote ratte en ze sprong bachten de kleerkasse (kast). En da was niet. Een ende later kwam ze were en dat jongetje was ziek. En we gingen gaan dienen, ik en m’n vader en m’n broere naar Vijve St.-Elooi en amenekeer een ende verre, ’t viel daar een sterre voor m’n voeten, azo n’een vierbal en ‘k verschote (schrok) stijf. "Maak joen kruise", zei m’n vader, "en ga voort." En ‘k dei dadde en we goengen gaan dienen. En da jongetje was ton genezen. En m’n broers kwamen ton hier in ’t ende weunen en de gebeurs hân een katte en m’n broers ook en ze staken alletwee die katten in huis voor de ratte te pakken bachten (achter) de kaste. Maar die katten wilden niet en ze deien heel den tijd voor buiten te geraken. En we lieten ze buiten en ulder eigen katte hèt nooit nie meer willen binnenkomen. En ton die gebeurs, van ulder katte daar hé, die vrouwe was ziek en ze kwamen achter mij voor te komen helpen. En ’t was daar nu alle nachten geruchte en leven, maar den eerste keer da ‘k daar sliepe hoorde ‘k da niet. Den tweede keer wel. En d’jongens dosten nooit nie buiten gaan. En ’t kwam daar alten n’een hond in een bolle vier (vuur) ip ne’ meter hoogte gevlogen en ’t en dorste daar niemand nie meer buiten gaan. En ‘k zage da ook ne keer en dien hond dreef schoon naar d’hage. En ‘k kwame ton naar huis, dood van ’t verschot van dien hond te zien, en ‘k ware doodziek. En ‘k zeie ‘t tegen m’n broere en je zei: "En godver, is ’t ook dadde." En ‘k en koste (kon) van heel de nacht nie slapen.En die vrouwe van m’n broere was ook ziek en ‘k ginge naar huis gaan. En m’n zuster kwam af en ‘k vertelde ’t maar ze geloofde ’t niet en ‘k goenge met heur mee naar huis. Maar achter een endeke koste ‘k nie meer en we goengen binnen bij mensen da’k kende en ze vroegen o ‘k ziek ware. En we goengen ton were voort en ende verder ‘k en koste were gene weg. En we goengen were entwaar (ergens) binnen en ze vroegen were ’t zelfste. En azo benne ‘k toch thuisgeraakt en da was de woensdag. En de zundag gingen ze achter den dokteur gaan. ‘k Laze een beetje want ‘k en koste naar de messe nie gaan. En amenekeer ‘k ware heel genezen. En binst da me eten ’s noens, m’n broere kwam binnen en die vent van z’n gebeurs en je zegt: "Hoe is ‘t…?" En ‘k zeie da ‘k genezen ware en ze zeien: "We kunnen ’t geloven want m’hèn vanuchtend (deze morgen) naar Steenbrugge geweest voor te lezen voor joe". Maar to m’n broers was ’t slechter. J’had al zes hennen, vier keuns (konijnen) en vier geiten dood. En ip zekere nacht hoorden ze wreed geruchte en m’n broere gaat naar de scheure met z’n gewere en je doet de deure open en ’t komt daar ne wreed groten hond buiten met ogen lijk lanteerns en in de plekke van te kunnen schieten, valt m’n broere omverre. En dien hond ging trage weg en da’s ton da ze geweest gaan lezen hèn. En zeien die paters in Steenbrugge: "Weun je daar al lange?" En je lei het allemolle uit (uitleggen). En ze vroegen o z’n vrouwe nie koste komen. En je zei da ze nog te ziek was. En ze zeien da ze ton met ulder komplimenten maar naar Tielt moeste gaan en alles uitleggen. En ze ging naar Tielt en ze lei alles uit bij de paters en ze gingen ‘s achternoens (’s namiddags) komen. En ze zijn gekomen en ze vroegen o ze heel dat huis gekuist hân en o ze geen gewijd (gewijde takken) gevonden hân. En ze wisten van niet. En z’hèn ton gewijd gestoken in al de kamers en koten. En ze mochten ton were beesten kopen en ’t hèt daar nooit nie meer gebeurd.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

Een man zag een grote rat achter de kleerkast springen. Een tijdje later was het zoontje van die man ziek. De man ging samen met zijn broer en zijn vader op bedevaart naar Sint-Eloois-Vijve. Toen het drietal een eindje onderweg was, viel er een vuurbol voor de voeten van de broer. De broer maakte een kruisteken en ging voort. Na de bedevaart was het kind genezen.
De man liet zijn eigen kat samen met die van de buren binnen in zijn huis om de rat achter de kast te vangen. De katten wilden de rat echter niet vangen en probeerden de hele tijd het huis te verlaten. Uiteindelijk heeft men de twee katten dan maar buiten gelaten. De man heeft zijn eigen kat nooit meer weergezien. Enkele dagen later werd de buurvrouw ziek. In dat huis hoorde men iedere nacht lawaai. Er verscheen altijd een vliegende hond in een bol vuur. Toen de man in het huis van zijn zieke buurvrouw was gaan logeren en daar de hond had gezien, was hij ziek van angst weer thuisgekomen. De zus van de broer van de man was ook ziek. Enkele dagen later liet men de dokter komen voor de man. Omdat de man niet naar de mis kon gaan, bad hij vaak. Nadat zijn broer voor hem op bedevaart was geweest naar Steenbrugge, was de man genezen. In het huis van zijn broer ging het echter minder goed. Er waren al zes kippen, vier konijnen en vier geiten gestorven. Toen er op een nacht een vreselijk lawaai te horen was, ging de broer naar de schuur met zijn geweer. Hij opende de deur en zag een verschrikkelijk grote hond met ogen als lantaarns naar buiten komen. De broer viel op de grond van schrik. De paters van Steenbrugge gaf de man de raad om zijn vrouw naar Tielt te zenden met hun groeten. De paters van Tielt kwamen naar het huis van de broer en staken in iedere kamer iets gewijds. Daarna ging alles weer goed op de boerderij.

P. Vandewalle, Leuven, 1968

1.4 Luchtgeesten

west-vlaams (o van houtland)

164

Broers van de informant

fabulaat

Steenbrugge (paters van)    Steenbrugge (paters van)   

paters van Steenbrugge    paters van Steenbrugge   

paters van Tielt    paters van Tielt   

Tielt (paters van)    Tielt (paters van)   

Egem    Egem   

Sint-Eloois-Vijve    Sint-Eloois-Vijve   

Tielt    Tielt   

Steenbrugge    Steenbrugge