STOP0130_0131_20965

Up ’t ende van ’t spel e Liete heurzelve an den hols geholpen. Z’e zij e ziekte upgedon die oengeneesbaar wos. Zegt ze tegen heur gebeurs: "’k Zijn ik niet goed en ‘k gon ik e keer moeten nor den apotheker gon om luzezolve (luizenzalf) t’halen want ‘k èn luzen." "En wor zit dat toene", vroegen ze. "Ol wor dat ’t let (overal waar gewrichten zijn). ’t Zitten d’er met hele fakken! (handsvollen)" Zodus, ze gaat nor den apotheker en ze vraagt dor luzezolve. En den apotheker pakt dor e dozige enne zegt: "Is ’t dat?" "’t Is dadde", zegt ze, "mor ’t is niet genoeg." "’k En doziges",zegt den apotheker, "die midder (groter) zijn dan dat." "Wel", zei ze, "geef mor dat groot en dat kleintje ook." En toen zei den apotheker: "’k En d’er nog die nog e keer zo groot zijn." "Ja?"zei ze, "geef mor die grote en die kleintjes ook. ’t Gaat nog niet te vele zijn." "Nu," zegt den apotheker, "je gaat worschienlik wel weg kunnen." O ze thuus kwam, ze smeert heur oksels in. En hoe meer dat ze smoette (smeerde), hoe meer luzen dat z’hadde. Liete vertelde an heur gebeur dat er geen doen meer an wos. "’k Zoen ik heel mijn lichaam insmoeten", zein ze. En ze ging were nor den apotheker achter nog vet. Den apotheker haalde ol uut wuk datten hadde. O ze thuus kwam, ze smoette heur helegans in. Mor dat wos ol geen avance (het baatte niet). Ze wos upgeten toet up heur rebben. Ze wos zij gestraft. "’k Gon dor nor mijn vumme hoet gon zè, petrol d’rup gieten en dor e vier maken en mijn dor toen insmijten." Zo gezeid, zo gedon. Ze lei zij dat vier an, en ze smeet heur d’rin. En mijn vader ed oltijd gezeid dat heel Rozebeke stoenk en spokte. Ze roook, zein ze, euren verre. Dat wos de straffe voor ol ’t kwaad dat ze gedon et.

SINSAG 0580 - Andere Hexenkünste    SINSAG 0580 - Andere Hexenkünste   

Een vrouw over wie men vertelde dat ze een toveres was, ging bij de apotheker zalf kopen omdat ze luizen had. Omdat de toveres verschrikkelijk veel luizen had, kocht ze verschillende doosjes zalf. Bij haar thuiskomst smeerde ze haar oksels in met de zalf. De remedie hielp echter niet, waardoor de vrouw opnieuw naar de apotheker ging om nog meer zalf te kopen, zodat ze haar hele lichaam met het goedje kon insmeren. Omdat ook dat niet baatte en de toveres bijna door de luizen was opgegeten tot aan haar ribben, zei ze: "Ik ga wat petroleum op mijn houtmijt gieten en dat in brand steken, zodat ik er kan op springen". De toveres deed wat ze had gezegd. Terwijl haar lichaam opbrandde, stonk het verschrikkelijk in Rozebeke. Op die manier werd de toveres gestraft voor al het kwaad dat ze had aangericht.

S. Top, Leuven, 1964

2.1 Heksen

west-vlaams (vrijbos)

65H

fabulaat

Liete Krulle    Liete Krulle   

Langemark    Langemark