PKNAB0284_0285_6651 - Weerwolf (man) verandert zich in zwarte hond

Hie op 't Bozjèng hé, hèit vreuger ene minsch altijd de naam g'had van weerewouf, hie op 't Bozjèng. En good, ze gingen in Duitsland nao de brikken, wie ze vreuger nao de brikken zoë gingen, en dao waor Giel Terwing, uit den Heikant, dèi waor dao ouch in die ploog d'rbij, en dèi...kaom Pènksten, ...- en dao waor dèi, dèi de naam haw van weerewouf ouch bij - en Giel Terwing, dèi kaom Pènksten heivers (huiswaarts) ins, veur e paar daag, en dan ging er weer trug, en wie Giel, wie Giel trug dao kaom, toen zèit dèi dan tegen hem: 'Hebs-te toen, toen-ste bès heivers gegangen, 's aoves, op de Smèirmaas, niks gezeen?' 'Jao', zèit Giel, 'es-te mich dao-aan hulps (helpt) dènken, mer dan bès dich dat ouch gewèis', zag Giel toen, 'dao leep ene groëten hónd neven mich op. En dat bès dich dan gewèis. Du hebs de naam', zag Giel, 'mer dan bès-te het ouch. Du hebs de naam van weerewouf', zag Giel, 'mer dan bès-te het ouch.' En van dów âf haw dèi minsch neet miër tegen hem durven kallen.X: (kosj zich dèi dan in hónd veranderen?)Oh jao, dat is zeker.X: (dat KAN toch neet!)Oh jao, 'n heks, of ene man, dèi weerewouf waor, kosj zich in van alles veranderen. Daoveur waor 't 'n heks hé!!Jao, en dao waor ins, - dat, dat bestuijt (bestaat), dat is hiël zeker. Nów, zal dat wel allewijl zoë veul neet miër zijn as vreuger, mer vreuger bestóng dat ollemaol. Van weerewöüf, van heksen en van alles. Vreuger jaoren bestóng dat ollemaol. Mer nów bestuijt dat nog, mer zoëveul neet miër. Nów zijn d'r ouch nog, en ouch nog weerewöüf, ouch nog, mer dat is neet miër wie vreuger. Toen waor d'r ins ene minsch, ene minsch hé, en dèi haw get in zene rug gekregen...

SINSAG 0805 - Werwolf in Hundesgestalt als Begleiter (verrädt sich am folgenden Tag).    SINSAG 0805 - Werwolf in Hundesgestalt als Begleiter (verrädt sich am folgenden Tag).   

Giel, een man die op de Heikant in Opgrimbie woonde, verbleef in Duitsland. De man was met Pinksteren naar huis gegaan en daarna terug naar Duitsland gereisd. Toen Giel aankwam, zei één van zijn vrienden: "Heb je bij Smèirmaas niets gezien toen je naar huis ging?" "Ja inderdaad", zei Giel, "daar liep een grote hond naast mij. Dat ben jij zeker geweest, want de mensen vertellen dat jij een weerwolf bent!"

P. Knabben, Leuven, 1970

1.6 Weerwolven

limburgs (maasvallei)

O/IX/178

fabulaat

Bandopname

Smèirmaas    Smèirmaas   

Giel    Giel   

Pinksteren    Pinksteren   

Opgrimbie    Opgrimbie   

Duitsland    Duitsland   

Heikant (Opgrimbie)    Heikant (Opgrimbie)