STOP0305_0305_21509

Bakelandt wunde in ‘t Vrijbus. Dat wos hier ol bus. Z’èn olglijk moorden gedon. In ’t begun dein ze geen moorden. Dat wos stelen. Enne gaf hem uut voor koopman enne dei ze draven enne vroeg hoevele dat ze vroegen. T’e nog e tijd geweest dat z’olles gestolen woren, ook ulder peerden. ’t Wos e hele bende. ’t Wos zelfs vrovolk bij. ’t Woren d’er zelfs bij die gingen gon verkopen wuk dat ze gepakt èn. ’t Woren er die nog wrochten bij e baas en die olles ofloerden. Up e leste èn ze begunnen moorden. ‘k En oltijd hoord datten hem uutgaf voor koopman en datten met goeden vingers an stoend (met gouden ringen). Dat woren ol lemen hutten wor dat die gasten overtijd weunden. Van Boezinge toet Kokelare dat wos ollemale bus. ‘k En ik nog gelezen hoevele dat er halsrecht geweest zijn mor ‘k weten dor niet meer van. Ja, oj dor geen opinie van e makt gaat dat ollemale uut je gedacht. ’t Woren er vele getrouwd man en wuuf die ’t gestolen goed gingen gon verkopen. Deur ulder moorden èn ze de busschen omsingeld met ’t leger en ezo èn ze z’ollemale gepakt. Dat e lange gedeurd wè. Ja, jaa’t, jaren!... Nu zoe dat ol zolange niet meer deuren met ol die polischen. Z’èn in Brugge ’t schavot gepasseerd. Ze zaten meest ol de kanten van Kokelare.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Bakelandt heeft veel moorden gepleegd. Aanvankelijk pleegden de rovers enkel diefstallen. De bendeleden vertoefden in lemen hutten in het Vrijbos.
De rovers verkleedden zich als handelaars of gingen op een boerderij als knecht werken om te weten te komen welke mensen geld in huis hadden. Er waren ook vrouwen bij de bende. De echtgenotes van de bendeledenmoesten de gestolen goederen gaan verkopen.
De streek tussen Boezinge en Koekelare was vroeger helemaal bebost. Op zekere dag werd het Vrijbos omsingeld door het leger en werd de bende opgepakt. Veel rovers werden gehalsrecht.

S. Top, Leuven, 1964

4. Historische sagen

west-vlaams (vrijbos)

182A

fabulaat

Bakelandt    Bakelandt   

Bakelandt (bende van)    Bakelandt (bende van)   

bende van Bakelandt    bende van Bakelandt   

Bikschote    Bikschote   

Vrijbos    Vrijbos